Gujarati News

Gujarati News

News of Friday, 4th December 2020

છેતરપીંડી અને દારૂના ગુનામાં સામેલ પીઠડ ગામના રમણીક પઢીયારને પાસા

તાલુકા પોલીસે વોરંટની બજવણી કરી

રાજકોટ તા. ૪: તાલુકા પોલીસ સ્ટેશનમાં, જામનગર અને જોડીયામાં છેતરપીંડીના પાંચ તથા જોડીયામાં દારૂના ત્રણ ગુનામાં સામેલ પીઠડ ગામના શખ્સને પાસામાં ધકેલી દીધો હતો.

મળતી વિગત મુજબ તાલુકા પોલીસ મથકમાં છેતરપીંડીના ત્રણ ગુનામાં પકડાયેલો તેમજ જોડીયામાં દારૂના ગુનામાં તથા જામનગરમાં છેતરપીંડીના ગુનામાં પકડાયેલા રમણીક ચમનભાઇ પઢીયાર (ઉ.વ.૩૯) (રહે. પીઠડ ગામ તા. જોડીયા) ને પાસામાં ધકેલવા માટે દરખાસ્ત કરવામાં આવતા પોલીસ કમિશ્નર શ્રી મનોજ અગ્રવાલે વોરંટ ઇશ્યુ કરતા તાલુકા પોલીસ મથકના પીઆઇ જે. વી. ધોળા, એએસઆઇ ભરતભાઇ વનાણી, એએસઆઇ આર. બી. જાડેજા, હેડ કોન્સ. પ્રવિણભાઇ, ભાવેશભાઇ, વિજયગીરી, મોહસીનખાન, અમીનભાઇ, હસમુખભાઇ, અરજણભાઇ, મનીષભાઇ, હર્ષદસિંહ અને ધર્મરાજસિંહ સહિતે રમણીક ચમનભાઇ પઢીયાર (ઉ.વ. ૩૯) ને પાસા હેઠળ પકડી અમદાવાદ જેલમાં ધકેલી દીધો હતો.

(2:32 pm IST)
  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST

  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : બપોરે 1-45 કલાક સુધીની મત ગણતરી મુજબ TRS 62 બેઠકો ઉપર આગળ : AIMIM 31 સીટ ઉપર તથા BJP 22 સીટ ઉપર આગળ : કોંગ્રેસ 3 બેઠક ઉપર આગળ access_time 2:07 pm IST

  • દિલ્હીમાં સીબીઆઈના દરોડા:દિલ્હીમાં જય પોલીકેમ ઇન્ડિયા લિમિટેડ કંપની ઉપર સીબીઆઈએ મોટાપાયે દરોડા પાડ્યા છે. access_time 11:57 pm IST