Gujarati News

Gujarati News

News of Friday, 4th December 2020

જામનગરના ભૂમાફિયા જયેશ પટેલ સામેના 'ગુજટોક' કેસમાં સંજયભાઈ વોરા સ્પે.પી.પી.નિમાયા

કેસની શરૂઆતની આ કેસમાં જોડાયેલ રાજકોટના ડી.જી.પી.ની સરકાર દ્વારા ખાસ નિમણુંક

રાજકોટઃ જામનગરના બહુ ચર્ચીત અને ભાગેડુ ભૂમાફિયા જયેશ પટેલ સામે જામનગર પોલીસે દોઢ માસ અગાઉ ''ગુજટોક'' હેઠળ કેસ નોંધી તેમના ૧૨ સાગરીતોની ધરપકડ કરી રાજકોટની સ્પે.કોર્ટમાં રજુ કરાતા જિલ્લા સરકારી વકિલશ્રી સંજયભાઈ કે. વોરાએ બારેય આરોપીઓના રીમાન્ડ મેળવવા દલીલો કરેલ તેમજ જામનગરના વકીલ સહીતના ત્રણ આરોપીઓની જામીન અરજીઓમાં દલીલો કરી જામીન અરજીઓ રદ કરાવેલ હતી. આ રીતે જામનગરના આ કેસમાં શરૂઆતથી જ સંકળાયેલ હોય જિલ્લા સરકારી વકીલ શ્રી સંજયભાઈ વોરાની કાયદા શાખાઓ સ્પે.પબ્લીક પ્રોસીકયુટર તરીકે ખાસ નિમણુંક આપતો હુકમ કરેલ છે. શ્રી સંજયભાઈ વોરા પાંચ વર્ષથી રાજકોટના જિલ્લા સરકારી વકીલ તરીકે કાર્યરત હોય અને બલી ડાંગર, માલવીયા પ્રકરણ, મગફળીકાંડ વિગેરે કેસોમાં રોકાયેલ હતા. તેમજ પોકસો અને અન્ય કેસોમાં ૩૭ સજાઓ કરાવી તેમજ એક કેસમાં ફાંસીની સજા મેળવેલ હતી. આ તમામ રેકોર્ડ ધ્યાનમાં લઈ ગુજરાત સરકારે જામનગરના ભૂમાફિયા જયેશ પટેલ અને તેના ૧૨ સાગરીતો વિરૂધ્ધ નોંધાયેલ ''ગુજટોક''ના કેસમાં સ્પે.પી.પી. તરીકે નિમણુંક આપેલ છે.

(3:37 pm IST)
  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST

  • કોરોના ગાંડોતૂર બનતા અમેરિકાના લોસ એન્જલીસમાં લોકડાઉનની જાહેરાત : લોકડાઉનનની જાહેરાતથી ગુજરાતનો હીરા ઉદ્યોગ ચિંતામાં : ક્રિસમસની ઘરાકી ઉપર પડી શકે છે મોટી અસર : સુરતમાં તૈયાર થયેલા હીરા અને જવેલરીની અમેરિકામાં સારી માંગ હોય છે : ક્રિસમિસના મોટા ભાગના ઓર્ડર સુરતથી રવાના થયા છે access_time 10:47 am IST

  • વિજય માલ્યાની ફ્રાન્સમાં આવેલી 14 કરોડ રૂપિયાની સંપત્તિ જપ્ત : હાલમાં લંડન સ્થિત વિજય માલ્યા વિરુદ્ધ મની લોન્ડ્રીંગ કેસ મામલે ઇડીની કાર્યવાહી access_time 7:25 pm IST