Gujarati News

Gujarati News

News of Tuesday, 4th May 2021

હનુમાન મઢી શિવપરામાં બાઇક દૂર લેવા પ્રશ્ને વિશાલ-મયુરનો એક બીજા પર છરીથી હુમલો

બંનેને સિવિલ હોસ્પિટલમાં ખસેડાતાં ગાંધીગ્રામ પોલીસે ફરિયાદ નોંધી

રાજકોટ તા. ૩: રૈયા રોડ હનુમાન મઢી પાછળ શિવપરા-૩માં ઘરની ડેલી સામેથી બાઇક દૂર લેવા બાબતે માથાકુટ મારામારી થતાં બે યુવાને એક બીજા પર છરીથી હુમલો કરતાં બંનેને સિવિલ હોસ્પિટલમાં ખસેડાયા હતાં.

શિવપરા-૩માં રહેતાં અને મોટી ટાંકી ચોકમાં આવેલા મેડિકલ સ્ટોરમાં નોકરી કરતાં વિશાલ જીતેન્દ્રભાઇ ગજરાણી (ઉ.વ.૨૨)ને રાતે તેની બાજુમાંજ રહેતાં મયુર અને નિખીલ નામના બે ભાઇઓએ ઝઘડો કરી પેટમાં છરી ઝીંકી દેતાં ગંભીર ઇજા થતાં સિવિલ હોસ્પિટલમાં ખસેડાતાં હોસ્પિટલ ચોકીના સ્ટાફે ગાંધીગ્રામ પોલીસને જાણ કરી હતી.

સામા પક્ષે મયુર અશોકભાઇ કડવાતર (ઉ.વ.૩૨) પણ પોતાને વિશાલે પડખામાં છરી ઝીંકયાની ફરિયાદ સાથે સિવિલ હોસ્પિટલમાં દાખલ થયો હતો. મયુર કારખાનામાં મજૂરી કરે છે. તેના કહેવા મુજબ તેના ઘરની ડેલી સામે જ પડોશી વિશાલનું હોન્ડા પડ્યું હોઇ તે દૂર હટાવવાનું કહેતાં ઝઘડો થયો હતો અને તેણે છરી ઝીંકી હતી. સામે પક્ષે વિશાલે કહ્યું હતું કે મારું હોન્ડા ડેલી પાસે રાખ્યું હોઇ તે હટાવવાનું કહી મયુર અને તેના ભાઇ નિખીલે ગાળો દેતાં ના પાડતાં છરીથી હુમલો કર્યો હતો. પોલીસે બંનેની ફરિયાદ નોંધવા તજવીજ કરી હતી.

(3:28 pm IST)
  • મહારાષ્ટ્રના મુખ્યમંત્રી ઉદ્ધવ ઠાકરે આજે રાત્રે 8.30 કલાકે ફરી રાજ્યને સંબોધન કરશે. (ન્યૂઝફર્સ્ટ) access_time 7:41 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST