Gujarati News

Gujarati News

News of Wednesday, 5th May 2021

કુબલીયાપરામાં કર્ફયુમાં માતાજીના માંડવાનું આયોજન કરનારા આયોજક સહિત છ સામે કાર્યવાહી

રાત્રી કર્ફયુના ૧૧૦, માસ્કના ૨૫, દુકાન ખુલ્લી રાખનારા ૯, સોશિયલ ડીસ્ટન્સના ૪ અને વાહનમાં વધુ સવારીમાં મુસાફરી કરવાના ૫ મળી કુલ ૧૫૩ કેસ નોંધાયા

રાજકોટ,તા. ૫ : શહેરમાં મીની લોડકાઉન અને રાત્રી કર્ફયુની કડક અમલવારી માટે પોલીસ દ્વારા સતત પેટ્રોલીંગ અને ચેકીંગ કરવામાં આવી રહ્યુ છે ત્યારે ગઇ કાલે અલગ અલગ વિસ્તારમાં કર્ફયુ ભંગના, માસ્ક, દુકાન ખુલ્લી રાખનારા તથા વાહનમાં વધુ મુસાફરોની હેરાફરી તેમજ કુબલીયાપરામાં કર્ફયુમાં માતાજીના માંડવાનું આયોજન કરનારા આયોજક સહિત છ મળી કુલ ૧૫૩ કેસ નોંધાયા છે.

 આ ઉપરાંત શહેર પોલીસ કમિશનરના જાહેરનામા અંતર્ગત પોલીસ દ્વારા અલગ અલગ વિસ્તારોમાં ચેકીંગ હાથ ધરવામાં આવ્યું હતું. જેમાં થોરાળા પોલીસ મથકના પીઆઇ બી.એમ.કાતરીયાળા માર્ગદર્શન હેઠળ પીએસઆઇ એ.એલ.બારસીયા સ્ટાફ સાથે કર્ફયુ અંતર્ગત પેટ્રોલીંગમાં હતા. ત્યારે કુબલીયાપરા શેરી નં.૫માં માતાજીના માંડવાનો કાર્યક્રમ ચાલતો હોય, પોલીસે સ્થળ પર પહોંચી જાહેરનામાના ભંગ બદલ આયોજક સહિત છ વ્યકિત સામે કાર્યવાહી કરી હતી. તેમજ શહેરના અલગ અલગ વિસ્તારમાંથી પોલીસે કર્ફયુ ભંગના ૧૧૦, માસ્કના ૨૫, દુકાન ખુલ્લી રાખી વેપાર કરનારા ૯ વેપારી તથા વાહનમાં વધુ મુસાફરોને બેસાડી હેરાફેરી કરનારા ૫ વાહન ચાલકો સહિત કુલ ૧૫૩ કેસ નોંધાયા છે.

(3:53 pm IST)
  • કોરોનાને કારણે પત્રકાર વિનોદ ગજ્જરનો જીવન દીપ બુજાયો પાટણ એબીપી ન્યૂઝ ચેનલના પત્રકાર શ્રી વિનોદભાઈ ગજ્જરનું કોરોનાને કારણે અવસાન થયું છે. ઘેરા શોકની લાગણી પ્રસરી છે access_time 9:35 pm IST

  • અત્યારે સવારે ૧૦ વાગે શક્તિકાન્ત દાસ શું જાહેરાત કરશે ? સહુની નજર રિઝર્વ બેન્કના ગવર્નર શક્તિકાન્ત દાસ અત્યારે સવારે ૧૦ વાગે દેશ સમક્ષ કોઈ મહત્વની વાત કરશે તેમ ન્યુ ફર્સ્ટનો અહેવાલ જણાવે છે. access_time 9:21 am IST

  • મહારાષ્ટ્રમાં મોડી સાંજ સુધીમાં ૫૭ હજારથી વધુ નવા કેસ નોંધાયા મુંબઈમાં પણ થોડા કેસ વધ્યા છે મોડી સાંજ સુધીમાં મહારાષ્ટ્રમાં ૫૭૬૪૦ નવા કોરોના કેસ નોંધાયા છે, તો મુંબઈમાં ૩૮૭૯ નવા કેસ થયા ૩૬૮૬ સાજા થયા અને ૨૪ કલાકમાં ૭૭ મૃત્યુ નોંધાયા છે: જ્યારે મહારાષ્ટ્રમાં ૫૭૦૦૬ સાજા થતા ડીસ્ચાર્જ કરાયા અને ૯૨૦ મૃત્યુ નોંધાયા છે access_time 9:33 pm IST