Gujarati News

રાજકોટ તા. ૬: કોઠારીયા રોડ પર નાડોદાનગર-૫માં રહેતાં સપનાબેન મનિષભાઇ પરમાર (ઉ.૩૫)ને બાજુની શેરીમાં જ રહેતાં અમરશી નામના શખ્‍સે ઝઘડો કરી ઢીકાપાટુનો માર મારતાં સિવિલ હોસ્‍પિટલમાં દાખલ થતાં હોસ્‍પિટલ ચોકીના સ્‍ટાફે ભક્‍તિનગર પોલીસને જાણ કરી હતી.સપનાબેનના પતિ મનિષ પરમારના કહેવા મુજબ અમે દુધીમાની માલિકીના રૂમમાં ભાડેથી રહીએ છીએ. અમે રહેવા આવ્‍યા ત્‍યારે રૂમમાં મકાન માલિકનો પંખો હતો. અમે અમારો પંખો વાપરતાં હતાં. મકાન માલિકનો પંખો પડોશી અમરશી રૂમમાંથી લઇ જતાં તે બાબતે અમે ઘરધણીને જાણ કરી દેતાં માથાકુટ કરી હુમલો કરવામાં આવ્‍યો હતો.