Gujarati News

રાજકોટઃ ભાજપના ૪૨માં સ્થાપના દિન અંતર્ગત પ્રદેશ ભાજપ દ્વારા અનેકવિધ કાર્યક્રમોનું આયોજન કરવામાં આવેલ. ત્યારે વિશ્વનાં લોકપ્રિય નેતા દેશનાં વડાપ્રધાન નરેન્દ્રભાઈ મોદી તથા રાષ્ટ્રીય અધ્યક્ષ જે.પી. નડ્ડા દ્વારા વિડીયો કોન્ફરન્સનાં માધ્યમથી કાર્યકર્તાઓને સ્થાપના દિવસથી શુભકામના પાઠવી હતી. આ તકે શહેર ભાજપ કાર્યાલય ખાતે કમલેશ મીરાણી, નિતીન ભારદ્વાજ, રામભાઈ મોકરીયા, જીતુ કોઠારી, કિશોર રાઠોડ, ગોવિંદભાઈ પટેલ, અરવિંદભાઈ રૈયાણી, લાખાભાઈ સાગઠીયા, પ્રદીપ ડવ, બીનાબેન આચાર્ય, અંજલીબેન રૂપાણી, ઉદયભાઈ કાનગડ, રાજુભાઈ બોરીચા, દર્શિતાબેન શાહ, પુષ્કર પટેલ, વિનુભાઈ ઘવા સહિતનાં સાથે તમામ શ્રેણીનાં કાર્યકર્તાઓ ઉપસ્થિત રહ્યા હતા.