Gujarati News

Gujarati News

News of Wednesday, 9th September 2020

રાજકોટમાં બાળકોમાં કોરોના પ્રસર્યો

૧૪ દિવસથી ૧૨ વર્ષ સુધીના બાળકો સારવારમાં : બાળદર્દી વધતા ચિંતાનું મોજુ : ૧૨ બાળકો સારવાર હેઠળ, રિકવરી ધીમી

રાજકોટ તા. ૯ : શહેર - જિલ્લામાં કોરોનાનું સંક્રમણ અત્યંત ગતિથી વધી રહ્યું છે ત્યારે હવે બાળકોમાં પણ કોરોના પ્રસરવા લાગતા ચિંતાનું મોજુ છવાયું છે.

આ અંગે આધારભૂત સૂત્રોના જણાવ્યા મુજબ અત્યાર સુધી બાળકોમાં કોરોનાનું સંક્રમણ અત્યંત ઓછું જોવા મળતું હતું પરંતુ હવે છેલ્લા એક અઠવાડિયાથી સિવિલ હોસ્પિટલના કોવિડ વોર્ડમાં બાળ દર્દીઓનું પ્રમાણ વધવા લાગ્યું છે.

જાણવા મળ્યા મુજબ હાલ તુરંત ૧૪ દિવસના બાળકથી લઇ ૧૨ વર્ષ સુધીનાં બાળદર્દીઓ કોરોનાની સારવાર લઇ રહ્યા છે. અંદાજે ૮ થી ૧૦ બાળદર્દીઓ કોરોનાની સારવાર હેઠળ છે.

નોંધનિય છે કે બાળકોમાં કોરોનાનું પ્રમાણ વધવા લાગ્યું છે ત્યારે તંત્ર માટે આ નવી ચિંતા ઉભી થઇ છે. કેમકે કોરોનાથી બાળકોને વધુ જોખમ રહે છે ત્યારે અગાઉ અઠવાડિયે ૧૦ દિવસે માંડ બે-ત્રણ બાળકોના કોવિડ કેસ આવતા હતા. તેમાં એકાએક ઉછાળો જોવા મળ્યો છે અને હાલ ૧૦ જેટલા બાળકો સારવારમાં છે ત્યારે હવે વધુ બાળકો કોરોનાથી સંક્રમિત ન થાય તે માટે તંત્રએ ખાસ એકશન પ્લાન બનાવી બાળકોમાં કોરોના પ્રસરતો અટકાવવા ઘનિષ્ઠ પગલા લેવાની કામગીરી યુધ્ધના ધોરણે હાથ ધરવાનો વખત આવી ગયો છે.

(3:54 pm IST)
  • 21 દિવસમાં કોરોના ખતમ કરી દેવાનો વાયદો કર્યો હતો તેને બદલે રોજગારી ખતમ કરી દીધી : અચાનક લાદી દેવાયેલું લોકડાઉન કોરોના માટે નહીં પરંતુ યુવાનોના ભવિષ્ય ,ગરીબો ,તથા અસંગઠિત વર્ગ માટે મૃત્યુદંડ સમાન નીવડ્યું : શ્રીમંતોનો કરોડો રૂપિયાનો ટેક્સ માફ કર્યો ,ગરીબોની જિંદગી બરબાદ કરી નાખી : કોંગ્રેસ આગેવાન રાહુલ ગાંધીએ મોદીજીનો જનવિરોધી ડિઝાસ્ટર પ્લાન દર્શાવતો વિડિઓ વાઇરલ કર્યો access_time 1:53 pm IST

  • " હાય રે ગરીબી " : ચીન જઈ લીવર અને કિડની વેચી રહેલા 7 પાકિસ્તાની નાગરિકો પકડાયા : 4 લાખ રૂપિયા ચૂકવી શરીરના મહત્વના અંગો ખરીદી લેવાનું ચીનનું આંતર રાષ્ટ્રીય નેટવર્ક પકડાયું : ગેરકાયદે ધંધા સાથે જોડાયેલા પાકિસ્તાની એજન્ટની FIA દ્વારા ધરપકડ access_time 2:36 pm IST

  • મુંબઇમાં કંગના રાણોતે તેની ઓફીસની આજે તોડફોડ અંગે મુંબઇ હાઇકોર્ટમાં રીટ પીટીશન કરી છેઃ વિગતો મેળવાઇ રહી છે access_time 1:04 pm IST