Gujarati News

Gujarati News

News of Saturday, 10th April 2021

ઉંઘ નથી આવતું એવું રટણ કરતાં સુશાંતે ફાંસો ખાઇ કાયમને માટે આંખ મીંચી લીધી

બેડીનાકામાં બંગાળી યુવાનનો આપઘાતઃ માસુમ પુત્રએ પિતાનું છત્ર ગુમાવ્યું

રાજકોટ તા. ૧૦: બેડીનાકા નકલંક ચોક રાણીમા રૂડીમા મંદિરવાળી શેરી નં. ૨માં રહેતાં મુળ બંગાળના યુવાન સુશાંત જયદેભાઇ કોટાલ (ઉ.વ.૩૨)એ પંખામાં ચૂંદડી બાંધી ગળાફાંસો ખાઇ આપઘાત કરી લેતાં પરિવારમાં ગમગીની છવાઇ ગઇ હતી.

બનાવની જાણ ૧૦૮ના ઇએમટી હિરેનભાઇ પટેલે કરતાં કન્ટ્રોલ રૂમના ઇન્ચાર્જ પીએસઆઇ બી. જે. કડછામેડમે એ-ડિવીઝન પોલીસને વાકેફ કરતાં પીએસઆઇ જે. એમ. ભટ્ટ સહિતે પહોંચી કાર્યવાહી કરી હતી. આપઘાત કરનાર યુવાન પાંચ ભાઇમાં ચોથો હતો. સોની કામ કરી ગુજરાન ચલાવતો હતો. તેને સંતાનમાં એક પુત્ર છે. આગામી ૧૩મીએ તે વતન બંગાળ જવાનો હોઇ ટિકીટ પણ બૂક કરાવી હતી. પરંતુ ગત સાંજે મગજ ભમતો હોઇ દવા લઇને આવ્યા બાદ પત્નિ બીજા રૂમમાં ગઇ ત્યારે સુશાંતે ગળાફાંસો ખાઇ લીધો હતો.

તે કેટલાક સમયથી પોતાને ઉંઘ નથી આવતી તેવું પત્નિ સામે રટણ કરતો હોઇ દવા ચાલુ કરાવાઇ હતી. માનસિક ટેન્શનને કારણે આ પગલુ ભર્યાની શકયતા છે.

(12:49 pm IST)
  • પશ્ચિમ બંગાળમાં ચોથા તબક્કાના મતદાન દરમિયાન કૂચબિહારમાં હિંસા ફાટી નીકળી : બીજેપી અને તૃણમૂલ કોંગ્રેસના કાર્યકરો વચ્ચે મારામારી : સુરક્ષાદળોની રાયફલ ખુંચવી લેવાનો પ્રયાસ થતા કરાયેલા ફાયરિંગથી 4 લોકોના મોત : આ અગાઉ મતદાન સમયે પ્રથમવાર મત આપવા આવેલા યુવાનની હત્યા કરી દેવાઈ હતી : કુલ પાંચ મોત : ચૂંટણી પંચે અહેવાલ માંગ્યો access_time 12:59 pm IST

  • રાજકોટ મહિલા ભાજપ અગ્રણી કાશ્મીરાબેન નથવાણી સહિત તેમના પૂરા પરિવારને વળગ્યો કોરોના : તેમના પતિ બકુલભાઈ, બન્ને પુત્રો, પુત્રવધુ સહિત બાળકો પણ કોરોના સંક્રમિત થતા પરિવારમાં હડકંપ મચી ગયો access_time 11:39 pm IST

  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST