Gujarati News

Gujarati News

News of Thursday, 10th September 2020

રાજકોટ સીવિલમાં અમદાવાદથી ૭૦ ડોકટરો મૂકાયા : જીનેસીસમાં ૪૦ તો દોશીમાં ૬૦ બેડની કોવિડ- હોસ્પિટલ શરૂ કરાઇ

રાજકોટની અનેક સરકારી કચેરીઓમાં કોરોનાનો તરખાટ વધતા હાઇએલર્ટ જાહેર કરાયું: જીઇબી-પોસ્ટ ઓફીસ-રૂડા-કોર્પોરેશન, જીએસટી-બેંકોમાં લોકોની સતત અવરજવર હોય ખાસ ચેકીંગ કરવા થયેલા આદેશો : લોકો માસ્ક-સોશ્યલ ડીસ્ટન્સનું ખાસ પાલન કરે

રાજકોટ, તા. ૧૦ : રાજકોટની સીવિલ હોસ્પિટલ તથા ખાનગી હોસ્પિટલોમાં કોરોના દર્દીઓ ઉભરાઇ રહ્યા છે, તો સામે તંત્ર બેડ સહિતની તમામ સુવિધાઓ વધારી રહ્યું છે.

દરમિયાન રાજકોટ સીવિલ હોસ્પિટલમાં અમદાવાદથી ૭૦ ડોકટરોને ગઇકાલે સાંજે ફરજ ઉપર મૂકાયા હોવાનું એડી. કલેકટરશ્રી પરિમલ પંડયાએ 'અકિલા'ને જણાવ્યું હતું.તેમણે જણાવેલ કે અમદાવાદથી રેસીડન્સ ડોકટરો અને ઇન્ટરશીપ ડોકટરોને રાજકોટ સીવિલમાં ફરજ ઉપર મૂકાયા છે. તેમણે ઉમેર્યું હતું કે જીનેસીસ હોસ્પિટલમાં વધુ ૪૦ બેડ તો દોશી હોસ્પિટલમાં ૬૦ બેડની સુવિધા સાથે હોસ્પિટલો શરૂ થઇ ગઇ છે.

દરમિયાન રાજકોટની અનેક સરકારી કચેરીઓમાં કોરોનાએ તરખાટ મચાવતા તંત્રને દોડધામ થઇ પડી છે. ૩ થી ૪ બેન્કો ઉપરાંત પોસ્ટ ઓફીસ, જીઇબી, રૂડા, કલેકટર-મામલતદાર કચેરીઓ-વેટ કચેરી-કોર્પોરેશનનો અનેક સ્ટાફને કોરોના જાહેર થતાં કલેકટર તંત્રે તમામ સરકારી કચેરી માટે હાઇએલર્ટ જાહેર કરી લોકોની અવર જવર દરમિયાન સતત ચેકીંગ કરવા, માસ્ક વગર આવતા લોકોને આવવા નહિ દેવા અને જો ટોળા જેવું લાગે તો તૂર્ત જ જાણ કરવા-પગલા લેવા આદેશો કરાયા છે.

(11:49 am IST)
  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • હવે લાંબા સમય સુધી નહીં લટકતી રહે ભ્રષ્ટ્રાચારની ફાઈલો : કેન્દ્રીય વિજિલન્સ કમિશને લીધો મોટો નિર્ણંય : કેન્દ્ર સરકારના જુદા જુદા વિભાગોના સીવીઓ તરફથી ભ્રષ્ટ્રાચારની ફરિયાદોના નિવારણ માટે થતા વિલબથી કેન્દ્રીય વિજિલન્સ કમિશન પરેશાન : હવે સમય મર્યાદામાં ફરિયાદોના નીલકની માટે સમય મર્યાદા નક્કી કરવા સહીત અન્ય વ્યવસ્થામાં ફેરફાર કરવા નિર્ણંય કર્યો છે access_time 11:45 pm IST

  • અમેરિકાના ઓરેગનમાં આવેલા જંગલમાં ભીષણ આગ : સખત તાપમાનને કારણે ફાયર ફાઈટર પણ પાછા ફર્યા : અનેક ઘરો બળીને ખાખ : 4 લાખ 70 હજાર એકર જમીનમાં આગની જ્વાળાઓ ફેલાતા અનેક લોકોનું સ્થળાંતર કરાયું access_time 11:46 am IST