Gujarati News

Gujarati News

News of Thursday, 10th September 2020

વણીક શખ્સને આપઘાતની ફરજ પાડવા અંગે બે શખ્સોના આગોતરા મંજુર

વ્યાજે આપેલ રકમની પઠાણી ઉઘરાણી કરીને

રાજકોટ,તા. ૧૦: નાગેશ્રી ગામના વણીક શખ્સને ઉંચા વ્યાજે પૈસા આપી આપઘાત કરવા મજબુર કરવાના ગુન્હામાં સાવરકુંડલાના બે આરોપીઓને આગોતરા જામીન રાજકોટ શેસન્સ કોર્ટે મંજુર કરેલ હતા.

 અમરેલી જીલ્લાના નાગેશ્રી ગામે રહેતા આ કામના ફરીયાદ મીનાબેન હીતેશભાઇ ગોરળીયાએ પોતાના પતિ હિતેશભાઇ ગોરળીયાને ઉંચા વ્યાજના દરે રૂપિયા આપી પઠાણી ઉઘાણી કરી મરવા મજુબર કરવા અંગેની આઇ.પી.સી કલમ ૩૦૬, ૩૨૩, ૫૦૬ (૨) તથા મની લેન્ડ એકટની કલમ ૫,૪૦,૪૨ મુજબની ફરીયાદ ગત તા. ૮/૬/૨૦૨૦ના રોજ રાજકોટના ગાંધીગ્રામ-૨ (યુનિ.) પોલીસ સ્ટેશનમાં નોંધાયેલી હતી. જે અનુસંધાને રાજકોટ સેશન્સ કોર્ટમાં આરોપીઓ આલીગભાઇ ખીમભાઇ ચાંદુ તથા મંગળુભાઇ ભાભલુભાઇ ચાંદુએ સંભવિત પોલીસ ધરપકડથી બચવા માટે આગોતરા જામીન અરજી રાજકોટ સેશન્સ કોર્ટમાં ગુજારેલ હતી. આ કેસની ટુંકમાં હકીકત એવી છે કે અમરેલી જીલ્લાના નાગેશ્રી ગામે આ કામના ફરીયાદી મીનાબેન હીતેશભાઇ ગોરળીયાએ રાજકોટના ગાંધીગ્રામ-૨ (યુનિ) પોલીસ સ્ટેશનમાં આઇ.પી.સી. કલમ ૩૦૬, ૩૨૩, ૫૦૬ (૨) તથા મની લેન્ડ એકટની કલમ ૫,૦૪,૪૨ મુજબની ફરીયાદ નોંધાયેલી જેમાં મરણજનાર હિતેશભાઇ વૃજલભાઇ ગોરળીયાએ ગત તા. ૧૫/૭/૨૦ના રોજ રાત્રીના સમયે પોતાના ભાણેજ પિયુષભાઇના ઘરે રોકાયેલ હતા અને સહપરીવાર રાત્રી ભોજન કર્યા બાદ આ કામના ફરીયાદી તેમના બીજા ભાણેજના ઘરે જતા રહેલ જ્યારે મરણજનાર પોતાના ભાણેજ પિયુષભાઇના ઘરે રોકાયેલ અને રાત્રીના સમયે એટેચ્ડ સંડાસ બાથરૂમમાં ફુવારામાં દુપટો બાંધી ગળાફાંસો ખાઇ લીધેલ.

આ કામના આરોપીઓએ ઉપરોકત કામ સબબ આગોતરા જામીન પર મુકત થવા માટે જામીન અરજી કોર્ટમાં ગુજારેલ હતી. જે અન્વયે રાજકોટના પ્રિન્સીપાલ સેશન્સ કોર્ટમાં આરોપીઓ વતી રોકાયેલા એડવોકેટ દ્વારા કરવામાં આવેલી રજુઆતો તેમજ વડી અદાલતના રજુ રાખેલ ચુકાદાઓને ધ્યાનમાં લઇ નામ. સેશન્સ કોર્ટે આ કામના આરોપીઓને આગોતરા જામીન ઉપર મુકત કરવાનો હુકમ ફરમાવેલ છે. આ કામના આરોપીઓ વતી એડવોકેટ જીજ્ઞેશ એમ.સભાડ, રણજીત બી.મકવાણા, એમ.એન. સિંધવ રોકાયેલા હતા.

(3:00 pm IST)
  • દેશમાં કોરોના બેફામ બન્યો : નવા 96,760 પોઝિટિવ કેસ નોંધાયા :1213 લોકોના મોત : રાત્રે 12 વાગ્યા સુધીમાં દેશમાં કોરોનના રેકોર્ડબ્રેક નવા 96,760 કેસ ઉમેરાતા કુલ કેસની સંખ્યા 44,59,725 થઇ :9,42,796 એક્ટીવ કેસ : વધુ 70,899 દર્દીઓ સ્વસ્થ થતા કુલ 35,39,983 રીકવર થયા : વધુ 1213 લોકોના મોત સાથે મૃત્યુઆંક 76,304 થયો access_time 1:16 am IST

  • હવે લાંબા સમય સુધી નહીં લટકતી રહે ભ્રષ્ટ્રાચારની ફાઈલો : કેન્દ્રીય વિજિલન્સ કમિશને લીધો મોટો નિર્ણંય : કેન્દ્ર સરકારના જુદા જુદા વિભાગોના સીવીઓ તરફથી ભ્રષ્ટ્રાચારની ફરિયાદોના નિવારણ માટે થતા વિલબથી કેન્દ્રીય વિજિલન્સ કમિશન પરેશાન : હવે સમય મર્યાદામાં ફરિયાદોના નીલકની માટે સમય મર્યાદા નક્કી કરવા સહીત અન્ય વ્યવસ્થામાં ફેરફાર કરવા નિર્ણંય કર્યો છે access_time 11:45 pm IST

  • ભગવતીપરામાં ભૂગર્ભ ગટરની દુર્ઘટનામાં બેદરકારી સબબ કોન્ટ્રાકટરને નોટીસ : ભગવતીપરામાં ભૂગર્ભ ગટરની કુંડીમાં મજૂરો પડી ગયા બાદ ઘાયલ થવાની ઘટનામાં કોન્ટ્રાકટર મંગાભાઈ સોલંકીને મ્યુ.કમિશ્નરે બેદરકારી અંગે નોટીસ ફટકારી છે access_time 4:13 pm IST