Gujarati News

Gujarati News

News of Friday, 11th June 2021

શાપરમાં મહારકતદાન કેમ્પ

 આમ આદમી પાર્ટી દ્વારા સીવીલ હોસ્પિટલના લાભાર્થે કોટડા સાંગાણીના શાપર ખાતે મહારકતદાન કેમ્પ યોજવામાં આવેલ. જેમાં ૧૫૧ બોટલ રકત એકત્ર થયેલ. જે થેલેસેમીયાના બાળકોને મળી રહે તે માટે સીવીલ હોસ્પિટલને ૧૧૧ બોટલ અને રેડક્રોસને ૪૦ બોટલ અર્પણ કરવામાં આવેલ. આમ આદમી પાર્ટી તથા શ્રીમદ્દ રાજચંદ્ર સેવા ગ્રુપના સંયુકત ઉપક્રમે યોજાયેલ આ કેમ્પને સફળ બનાવવા વિનય જસાણી (મો.૯૪૨૮૨ ૦૦૬૬૦), યોગેશભાઇ વસોયા, કૌશિકભાઇ મકવાણા, નીતેશભાઇ ખુંટ, રાજેશભાઇ કાછડીયા, ભાવેશભાઇ ગઢીયા, તેજશભાઇ ગાજીપરા, રાહુલભાઇ સિંધવ, હાર્દીકભાઇ વૈષ્ણવ, માવાભાઇ ગઢીયા, મિલનભાઇ ખુંટ, સનીભાઇ ખુંટ, ભગાભાઇ, જીગાભાઇ ગઢીયા, ભાવેશભાઇ ગઢીયા, મિલનભાઇ સોજીત્રા વગેરેએ જહેમત ઉઠાવી હતી.

(3:05 pm IST)
  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST