Gujarati News

Gujarati News

News of Friday, 11th June 2021

જીમ ખુલ્યા : શરીર સૌષ્ઠવ માટેની કસરતો શરૂ : જીમ સંચાલકો, ઇન્સ્ટ્રકટરો અને સભ્યોના હૈયે હાશકારો

રાજકોટ : કોરોના સંક્રમણને વધતુ અટકાવવા લદાયેલ લોકડાઉનના પગલાના ભાગરૂપે શહેરમાં આવેલ તમામ જીમને તાળા લગાવી દેવાયા હતા. પરંતુ લાંબા સમય બાદ હાલ પરિસ્થિતિ સુધારારૂપ જણાતા સરકાર દ્વારા ધીરે ધીરે બાગ બગીચા, હોટલો, રેસ્ટોરન્ટો સહીતને નિયમ પાલન સાથે ખોલી નાખવામાં આવ્યા છે. ત્યારે જીમને પણ ખોલવા માટેની મંજુરી મળતા અમીન માર્ગ, નાનામવા સર્કલ સહીતના જીમ સંકુલોમાં આજથી ઉત્સાહભેર નવી ચહલ પહલ જોવા મળી હતી. શહેરના મેયર ડો. પ્રદિપભાઇ ડવે પણ પોતાના નિયમિત જીમ સેન્ટરની મુલાકાત લઇ શરીરને શ્રમ આપ્યો હતો. તસ્વીરમાં જીમ ખુલતા જ સર્જાયેલ રોમાંચકતા નજરે પડે છે. (તસ્વીર : સંદીપ બગથરીયા)

(3:10 pm IST)
  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST