Gujarati News

સ્ટેચ્યુ ઓફ યુનિટી ખાતે ઓફીસ આસીસ્ટન્ટ તરીકે ફરજ બજાવતા શ્રી પ્રિયાંક પટેલ મોડી સાંજે  ગોરા ગામ સ્થિત પાર્કિંગ ખાતે પોતાની ફરજ પર હતા તે વખતે મહારાષ્ટ્ર ના દંપતીએ આવીને સોનાની બુટ્ટી અને રોકડા રૂ. ૬,૭૪૦/- ભરેલ પર્સ એક બસમાં ભુલી ગયેલ છે અને તે બસનો નંબર પણ ખ્યાલ ન હતો તેવી હકીકત જણાવતા સ્ટાફ દ્વારા ઉંડાણપુર્વકની તપાસ બાદ સ્ટેચ્યુ ઓફ યુનિટીની બસ નંબર ૨૨નાં ડ્રાઇવર શ્રી વિરેન્દ્રભાઇ તડવી અને હેલ્પર શ્રી હરેન્દ્રભાઇ તડવીએ બસમાં શોધખોળ કરી હતી પર્સ મળી આવતા  તુરંત શ્રી પ્રિયાંક પટેલનો સંપર્ક કરીને ઉચ્ચ અધિકારીઓ રૂબરૂ ખાતરી કરીને દંપતીને પર્સ પરત કર્યુ હતુ.  

કર્મયોગી શ્રી પ્રિયાંક પટેલ, હરેન્દ્ર તડવી અને વિરેન્દ્ર તડવીની કામગીરીથી પ્રવાસી દંપતી પ્રભાવિત થયા હતા અને હ્રદયથી આભાર વ્યકત કર્યો હતો અને કર્મયોગીઓની પ્રામાણિક કામગીરીને SOUADTGAના અધિકારીશ્રીઓએ બિરદાવીને અભિનંદન પાઠવ્યા હતા