Gujarati News

રાજકોટ તા.૧૪ : મહાનગરપાલિકાની પરિવહન સેવાઓનું સંચાલન અને નિયંત્રણ કરતી રાજકોટ રાજપથ લીમીટેડે તા. ૬ થી ૧૨ જુન સુધીમાં  કરેલી કામગીરીનો રિપોર્ટ જાહેર કર્યો છે. જેમાં રાજકોટ રાજપથ લીમીટેડ દ્વારા શહેરીજનોને ૪૫ રૂટ પર ૯૦ સિટી બસ દ્વારા પરિવહન સેવા પૂરી પાડવામાં આવે છે . પરંતુ સિટી બસ અને બીઆરટીએસ બસની વિવિધ એજન્‍સીઓને કામમાં ક્ષતી બદલ રૂા.  ૨.૭૭ લાખની  પેનલ્‍ટી આપવામાં આવી છે અને ૧૪ કન્‍ડક્‍ટરને કાયમી ધોરણે ફરજ મુક્‍ત કર્યા છે. જ્‍યારે ૩૩ મુસાફરો ટીકીટ વિના ઝડપાયા ૩૬૦૦નો દંડ ફટકારવામાં આવ્‍યો છે.

આ અંગે મહાનરગપાલિકાની સતાવાર યાદીમાં જણાવ્‍યા મુજબ રાજકોટ રાજપથ લી. દ્વારા ગત તા. ૬ થી ૧૨ જુન  સુધીમાં કરાવમાં આવેલ કામગીરીની વિગતો આ મુજબ છે.

સિટી બસની કામગીરી

સિટી બસ સેવાﾠ(RMTS)માંﾠતા તા. ૬ થી તા.૧૨ જુનﾠદરમિયાન કુલ અંદાજીત ૧,૧૩,૧૦૦ﾠકિ.મી. ચાલેલ છે. તથા કુલ ૧,૭૧,૫૯૮ મુસાફરો દ્વારા તેનો લાભ લેવામાં આવેલ છે. ﾠસિટી બસ સેવામાં બસ ઓપરેટર શ્રી મારૂતિ ટ્રાવેલ્‍સને કામમાં ક્ષતિ બદલ કુલ ૭,૨૫૦ﾠકિ.મી. ની પેનલ્‍ટી મુજબ કુલ અંદાજીત રૂા. ૨,૫૩,૭૫૦ﾠની પેનલ્‍ટી કરવામાં આવેલ છે. ફેર કલેક્‍શન કરતી એજન્‍સી અલ્‍ટ્રામોડેન કામમાં ક્ષતિ બદલ કુલ રૂા. ૨૪,૨૦૦નીﾠપેનલ્‍ટી આપવામાં આવેલી છે.

સિટી બસ સેવાની કામગીરીમાંﾠગેરરીતી/અનિયમિતતાﾠસબબ કુલ ૧૧ કંડક્‍ટરને ટેમ્‍પરરી સસ્‍પેન્‍ડ કરવામાં આવેલ તથા ૦૩ﾠﾠકંડક્‍ટરનેﾠકાયમી ધોરણે સસ્‍પેન્‍ડﾠકરવામાં આવેલ છે. તેમજ ચેકીંગ દરમિયાન કુલ ૩૩ મુસાફરો ટીકીટ વગર જણાયેલ જેમાં તેમની પાસેથી કુલ અંદાજીત રકમ રૂાﾠ૩,૬૩૦નો દંડ વસુલ કરવામાં આવેલ છે.

BRTS બસ

સેવાની કામગીરી

બી.આર.ટી.એસ. બસ સેવામાંﾠતા. ૬ થી તા.૧૨ જુનﾠદરમિયાન કુલ અંદાજીતﾠ૨૮,૩૦૦ કિ.મી.ﾠચાલેલ છે. તથા કુલ ૧,૬૧,૫૨૧ﾠમુસાફરો દ્વારા તેનો લાભ લેવામાં આવેલ છે. બી.આર.ટી.એસ. બસ સેવામાં એક્‍સ-મેન તથા સિક્‍યુરીટી પુરા પાડતી એજન્‍સી શ્રી રાજ સિક્‍યુરીટી સર્વિસને કામમાં ક્ષતિ બદલ રૂા. ૫,૭૬૫ની પેનલ્‍ટી કરવામાં આવેલ છે.