Gujarati News

રાજકોટ: આજે અમદાવાદમાં આમ આદમી પાર્ટીના નવા હોદ્દેદારોનાં  શપથ ગ્રહણ સંમેલનનું આયોજન કરવામાં આવ્યું હતું. જેમાં આમ આદમી પાર્ટી ગુજરાતના પ્રભારી સંદીપ પાઠક, રાષ્ટ્રીય સંયુક્ત મહામંત્રી ઇસુદાન ગઢવી, રાષ્ટ્રીય સંયુક્ત મંત્રી ઇન્દ્રનીલ રાજ્યગુરુ, પ્રદેશ ચૂંટણી પ્રભારી ગુલાબસિંહ યાદવ, સંસ્થાપક સભ્ય કિશોરભાઈ દેસાઈ, પ્રદેશ મહામંત્રી મનોજ સોરઠીયા અને પ્રદેશ પ્રમુખ ગોપાલ ઈટાલિયાની ઉપસ્થિતિમાં 850 નવનિયુક્ત હોદ્દેદારોએ શપથવિધિ સમારોહમાં ભાગ લીધો હતો અને આમ આદમી પાર્ટીને વફાદાર રહેવા અને ગુજરાતમાં જનસેવા અંતર્ગત બદલાવ  માટે શપથ લીધા હતા.
આમ આદમી પાર્ટીના શપથ ગ્રહણ સંમેલનમાં પ્રદેશ પ્રમુખ ગોપાલ ઈટાલિયાએ ભારત માતા કી જય સાથે ઉપસ્થિત મીડિયા અને અન્ય લોકોને સંબોધતા કહ્યું કે અમે આમ આદમી પાર્ટી સાથે એટલા માટે જોડાયેલા છીએ કે ભવિષ્યમાં પરિવર્તન આવ્યા બાદ અમે આ વાત આવનારી પેઢીને કહી શકીશું કે  પરિવર્તન માટેની આ લડાઈમાં અમે ખૂબ જ મહત્વપૂર્ણ ભૂમિકા ભજવી છે. અહીં હાજર દરેકને આમ આદમી પાર્ટીમાં નવી જવાબદારીઓ મળી છે. દરેક જણ તેમની જવાબદારીથી ખૂબ જ ખુશ છે, પરંતુ હું કહેવા માંગુ છું કે જેમને હજુ સુધી જવાબદારીઓ અને હોદ્દા મળવાના બાકી છે કે આ માત્ર પ્રથમ સંગઠન છે. ભવિષ્યમાં વધુ  સંગઠનની રચના કરવામાં આવશે અને દરેકને તેમના યોગદાન અને કુશળતા અનુસાર જવાબદારી આપવામાં આવશે. કારણ કે આજે આપણી પાસે પદ પર માત્ર 850 લોકો છે પરંતુ આગળ સરકાર ચલાવવા માટે લાખો લોકોની જરૂર પડશે.
તેમણે વધુમાં જણાવ્યું હતું કે વિધાનસભાની ચૂંટણીમાં આમ આદમી પાર્ટીની જીત માટે ચૂંટણી પ્રભારી પ્રો. સંદીપ પાઠક જીના નેતૃત્વમાં અને શ્રી અરવિંદ કેજરીવાલ જીના માર્ગદર્શન હેઠળ એક વિશાળ અને મજબૂત વ્યૂહરચના બનાવવામાં આવી છે. અને આપણે પણ એ જ વ્યૂહરચના પર આગળ વધવાનું છે, જેમ જેમ આપણે તેના પર આગળ વધીશું, તો આપણે પણ માનવા લાગીશું કે હવે ભાજપના લોકો આપણાથી દૂર ભાગી રહ્યા છે. ભાજપ ડરી ગઈ છે, તે ચોક્કસ છે. આજ સુધી ભાજપ માટે કોઈને કોઈ ડર નથી લાગ્યો, ગમે તેટલા પક્ષો આવ્યા, ગમે તેટલા વિરોધ થયા, ગમે તેટલા આંદોલનો થયા, કાર્યકરો આંદોલનો થયા, પોલીસ આંદોલનો થયા, પરંતુ ભાજપ ક્યારેય ડરતી નથી. પરંતુ, હવે ભાજપ ઈમાનદાર આમ આદમી પાર્ટીથી ડરે છે. પરંતુ માત્ર ડરાવાથી કામ નહીં ચાલે, ભાજપને હવે ઘર ભેગી કરવી પડશે, તેમાં ગુજરાતની જનતાનો ફાયદો છે. હવે આ પછી જે પણ મિશન હશે તે માત્ર ભાજપને ઘરે મોકલીને આમ આદમી પાર્ટીની સરકાર બનાવવાનું જ હશે.
ભગવાને દરેકને અલગ-અલગ તાકાત આપી છે, કોઈ પાસે મનની શક્તિ છે, તો કોઈની પાસે તનની શક્તિ છે, પરંતુ આપણે આપણી બધી શક્તિઓએ  સાથે મળીને આમ આદમી પાર્ટીની સરકાર બનાવવાની છે. હું હંમેશ કહું છું તેમ, મારૂ પદ પણ 'ઝાડુ' છે, મારો પક્ષ પણ 'ઝાડુ' છે, હું પણ 'સાવરણી' છે અને આપણે સાથે માંડીને જે સરકાર બનાવીશું તે પણ 'ઝાડુ'. અહીં કોઈએ ભેદભાવ રાખવાનો નથી, ભાજપના લોકોએ લોકોને ગેરમાર્ગે દોરવાનું ષડયંત્ર શરૂ કર્યું છે કે તમારી સાથે અન્યાય થયો છે, પરંતુ હું ભાજપને પૂછવા માંગુ છું કે આખા ગુજરાત સાથે તમે જે અન્યાય કર્યો તેનું શું? મને જે પણ પદ મળ્યું તેનાથી વધુ મહત્વનું છે કે ગુજરાતના બાળકોને કયું પદ મળશે. સારી શિક્ષણ વ્યવસ્થા અને શાળા હોય તો આગળ જતાં બાળકોને કલેક્ટર, ડોક્ટર કે એન્જિનિયરની પોસ્ટ મળી શકે છે. અને તે જ મારું પદ હશે. જો આપણો સમાજ આપણા કારણે હશે તો આપણને ગર્વ થશે. આપણે જોયું છે કે ગુજરાતની સરકારી શાળાના બાળકોને પોતાનું નામ યોગ્ય રીતે કેવી રીતે લખવું તે પણ આવડતું નથી. જો આપણે તેમને શિક્ષણ આપીએ, તેમને કંઈક બનાવીએ, તો તે પણ અમારી જીત હશે. ભવિષ્યમાં વધુ સંગઠનો બનાવવામાં આવશે, જેમાં દરેકને તેમની લાયકાત મુજબ પદ મળશે. ત્યાં સુધી આપણે બધા એ ગુજરાત માટે આમ આદમી પાર્ટીમાં એકતા અને પ્રમાણિકતાથી કામ કરવાનું છે.
અંત માં  ગોપાલ ઈટાલીયા એ  માનનીય પ્રભારી પ્રો. સંદીપ પાઠક, માનનીય ગુલાબસિંહ યાદવ, સ્થાપક સભ્ય શ્રી કિશોરભાઈ દેસાઈ, રાષ્ટ્રીય સંયુક્ત મહાસચિવ ઈસુદાન ગઢવી, રાષ્ટ્રીય સંયુક્ત સચિવ ઈન્દ્રનીલ રાજ્યગુરુ અને નવનિયુક્ત મહામંત્રી મનોજ સોરઠિયાનો દરેક પગલે માર્ગદર્શન આપવા બદલ હૃદયપૂર્વક આભાર માન્યો હતો.
પ્રદેશના ચૂંટણી પ્રભારી ગુલાબ સિંહ યાદવે શપથ સંમેલનને સંબોધતા કહ્યું કે, જેમને પ્રથમ સંગઠનની યાદીમાં પદ નથી મળ્યું, તેમણે નિરાશ થવાની જરૂર નથી. અહીં દરેક વ્યક્તિ તમારા સમર્પણ અને મહેનતની કદર કરે છે. તમે જે પણ કામ કરશો, તમને તમારી મહેનત પ્રમાણે પદ મળશે. આજે દરેકની નજર ગુજરાત પર છે અને તમારે આખા દેશને આમ આદમી પાર્ટીના સપનાને સાકાર કરી બતાવવાનું છે. જો તમે તમારા ગામમાં પણ પાર્ટીને વિજય અપાવશો તો તે પણ શ્રેષ્ઠ અને સૌથી મોટી ઉપલબ્ધિ હશે. તમે સખત મહેનત કરો અને સારા લોકોને આમ આદમી પાર્ટી સાથે જોડો. ગુજરાતમાં હવે પરિવર્તન નિશ્ચિત છે.
આમ આદમી પાર્ટીના નેશનલ જોઈંટ જનરલ સેક્રેટરી ઇસુદાન ગઢવીએ શપથ સંમેલનમાં પોતાના વિચારો વ્યક્ત કરતાં કહ્યું કે, આજનો દિવસ આનંદનો પ્રસંગ છે. આજે મને તમારા બધા પર ગર્વ છે જેઓ તલવાર ધારી ટોપીઓ પહેરીને બેઠા છો. યુદ્ધ હંમેશા વ્યૂહરચનાથી લડવામાં આવે છે, પરંતુ વ્યૂહરચના માત્ર યોજના આપે છે, વાસ્તવિક યુદ્ધ તમારા અને મારા જેવા સૈનિકોના જુસ્સાથી લડવામાં આવે છે. ગુજરાતમાં જે રીતનુ વાતાવરણ સર્જાયુ છે, પરિવર્તન યાત્રા હતી, પરિવર્તન યાત્રામાં સૌએ ખૂબ જ મહેનત કરી હતી, સભા રાત્રે 11-12 વાગે પૂરી થતી હતી અને બીજા દિવસની તૈયારીઓમાં લાગી જતી હતી તેમાં રાત ના અઢી થી ત્રણ વાગી જતા અને સવારે 8 વાગે ફરીથી યાત્રા પાર જવાનું હોતું. ત્યારે પણ મેં કાર્યકર્તાઓ માં જે ઉત્સાહ જોયો છે તેના પરથી સાબિત થઈ ગયું છે કે ગુજરાતમાં પરિવર્તન અટકાવવાની, આમ આદમી પાર્ટીને રોકવાની શક્તિ ભાજપના બાપમાં પણ નથી. એવું નથી કે ભાજપને કોઈ હરાવી શકે નહીં, પરંતુ ભાજપને હરાવવા માટે જે તાકાત, અને જુસ્સા ની જરૂર છે તે અન્ય કોઈ પક્ષમાં નથી, તે માત્ર આમ આદમી પાર્ટીમાં છે. અને તેથી ભગવાન મને અને તમને બદલાવ નું એક નિમિત બનાવશે.
ઇસુદાન ગઢવીએ આગળ કહ્યું કે, હવે ચૂંટણીને માત્ર 4 મહિના બાકી છે એટલે કે ગુજરાતને બચાવવા માટે આપણી પાસે માત્ર 120 દિવસ છે. આ 120 દિવસમાં આપણે આમ આદમી પાર્ટીને જીતાડવા માટે દિલ અને દિમાગથી કામ કરવાનું છે જેથી કરીને આપણે ગુજરાતની જનતાની વેદનાનું સમાધાન બની શકીએ. દરેક ચૂંટણીમાં એવું લાગે છે કે કોંગ્રેસ જીતશે પણ પછી ભાજપ જીતતી હતી. પરંતુ આપણે આવું થવા દેવાનું નથી, ગુજરાતની જનતા માટે 120 દિવસ પૂરા દિલથી મહેનત કરવી પડશે. જો ગુજરાતમાં એક વખત આમ આદમી પાર્ટી, આમ આદમીનો ઝંડો લહેરાશે તો તેના 2 મહિનામાં ભ્રષ્ટ ભાજપના ભ્રષ્ટાચારીઓ જેલમાં જોવા મળશે, તમેં બધાની યાદી તૈયાર રાખો. આ યુદ્ધ મહાભારત થી ઓછું નથી, આમાં બધા કાર્યકર્તાઓ અર્જુન છે, કૃષ્ણ આપણી સાથે છે. અને એકવાર સરકાર બની જાય પછી ગુજરાતની જનતા માટે એવા કામ કરવા પડશે જેથી જનતા તમને આશીર્વાદ આપે. તેમણે ચાર પંક્તિઓ સાથે પોતાના શબ્દોને વિરામ આપ્યો કે “ ના તો તલવાર કી ધાર સે ના ગોલીયો કી બૌછાર સે, આમ આદમી ડરતા હૈ સિર્ફ પરવરદિગાર સે; ઇતિહાસ ઉસી કે લિખા જતા હૈ, જો અન્યાય કે ખિલાફ આવાઝ ઉઠાતા હૈ, તાળવે ચાટને વાલો કા કભી ઇતિહાસ નહિ હોતા.”
નેશનલ જોઈંટ સેક્રેટરી ઈન્દ્રનીલ રાજ્યગુરુએ શપથ સંમેલનને સંબોધતા કહ્યું કે, તમામ કાર્યકર્તા એ ઘણા વર્ષોથી સખત મહેનત કરી છે. પરંતુ આજે સમાજની વ્યવસ્થા ઘણી બગડી ગઈ છે, તેને બદલવા માટે આખા દેશમાં જો કોઈ સક્ષમ વ્યક્તિ છે તો તે છે અરવિંદ કેજરીવાલ જી. મને આમ આદમી પાર્ટીમાં જોડાવાનો ગર્વ છે. આપણે બધા એકબીજાને સહકાર આપીશું અને સાથે મળીને પરિવર્તન લાવીશું. અને હું ભાજપના લોકોને કહેવા માંગુ છું કે હવે તેમનાથી કોઈ ડરતું નથી અને ના તો અમે અહીં આવું કોઈ નીચું કામ કર્યું છે. જો આ લોકશાહી સરકાર છે તો ભાજપ અમને જેલના સળિયા પાછળ નહીં રાખી શકે. જો તમે બધા માત્ર કાર્યકર્તાની જેમ જ લડશો તો ભાજપ તમને ડરાવી શકે છે પરંતુ તમે એવી માનસિકતા સાથે લડશો કે અમે રાષ્ટ્ર પરિવર્તન માટે લડી રહ્યા છીએ, તો ભાજપ તમને પરિવર્તન લાવવાથી ક્યારેય રોકી શકશે નહીં. તેમણે અંતમાં કહ્યું કે આપણે કોઈ પદથી સન્માન નથી, આપણે સરકારથી સન્માન છે. તેથી જો દરેક વ્યક્તિ આ માનસિકતા સાથે કામ કરે તો પરિવર્તન નિશ્ચિત છે.
સંદીપ પાઠકજીએ પોતાની વાત રાખતા કહ્યું કે તમામ પદાધિકારીઓ અને કાર્યકરોનો ઉત્સાહ જોઈને હું કહી શકું છું કે આમ આદમી પાર્ટી આવનારા મહાભારત માટે સંપૂર્ણ રીતે તૈયાર થઈ ગઈ છે. ભગવાન કૃષ્ણની ભૂમિ પર વર્ષોથી જુલમી સરકારનું શાસન ચાલી રહ્યું છે તે દુઃખદ બાબત છે. તમને જે પણ પદ મળ્યું છે, તે તમારી મહેનતના કારણે મળ્યું છે કોઈની ભલામણને કારણે નહીં અને ભલામણથી અહીં કોઈ ફાયદો થવાનો નથી. આપણે સૌએ સાથે મળીને ગુજરાતમાં પરિવર્તન લાવવાનું છે. કોઈ પણ ત્યાગ વિના કોઈ મહાન કાર્ય નથી થતું તો આવનારા મહાભારત માટે આપણે સૌએ બલિદાન આપવાનું છે.
ભાજપના લોકો જ્યારે ત્યારે અમારા કાર્યકરો પર હુમલો કરે છે, ગુંડાગીરી કરે છે, પરંતુ હવેથી હું તેમને કહેવા માંગુ છું કે અમારી સેના સજ્જ છે, હવેથી અમે માર ખાઈશું નહિ. જ્યારે રામ ધડુક પર હુમલો થયો ત્યારે હું તે રાત્રે સૂઈ શક્યો ન હતો. પરંતુ હવે હું કહેવા માંગુ છું કે દુનિયા નબળા સંગઠનનો આદર નથી કરતી તો આપણે નબળા નથી બનવાનું. ભાજપ-કોંગ્રેસ ગઠબંધનને ખતમ કરવા માટે ભગવાને તમને એક માધ્યમ તરીકે પસંદ કર્યા છે. તેથી હવેથી આવનારી ચૂંટણી સુધી તમારે 24 કલાક કામ કરવું પડશે. આજે તમે અહીં જે તાલીમ મેળવશો તે તમારી વિધાનસભામાં પણ વિગતવાર કરવામાં આવશે.
આપણી પહેલી એક્ટિવિટી હશે કે આપણે સમગ્ર ગુજરાતમાં વીજળી આંદોલન ચલાવીશું. તે પછી અમે અમારા 3000 સર્કલ ઈન્ચાર્જનું ની નિમણુંક કરીશું. 1 સર્કલ ઈન્ચાર્જને 5 થી 7 ગામોની જવાબદારી મળશે. 26 જૂને અરવિંદ કેજરીવાલ આ 4000 પદાધિકારીઓને શપથ લેવડાવશે.
વીજળી આંદોલન દરમિયાન કાર્યકરોએ ભીડભાડવાળા વિસ્તારોમાં જઈને લોકોને જાગૃત કરવા પડશે. આપણે પ્લે કાર્ડ, પેમ્ફલેટ, બ્રોશર દ્વારા લોકોને જાગૃત કરીશું. આ પછી આખા શહેરમાં પદયાત્રા થશે અને સાંજે મશાલ યાત્રા કાઢીને એક જગ્યાએ વીજ બિલો ફાડીશું. આ કાર્યક્રમ 15 દિવસ સુધી ચાલશે. જ્યારે 26મીએ અરવિંદ કેજરીવાલ જી આવશે ત્યારે ટાઉન હોલ કાર્યક્રમનું આયોજન કરવામાં આવશે અને ત્યાં આ વીજળી આંદોલનને સમાપન કરવામાં આવશે. જ્યાં સુધી આ સરકાર વીજળીના ભાવમાં ઘટાડો નહીં કરે અથવા અમારી સરકાર નહીં બને ત્યાં સુધી આ સંઘર્ષ ચાલુ રહેશે.
આગામી સમયમાં ગુજરાતની ગલીઓમાં અને ખાસ કરીને જ્યાં ભાજપના ઝંડા લગાવવામાં આવ્યા છે ત્યાં આમ આદમી પાર્ટીના ઝંડા પણ લગાવાના છે. આ ઉપરાંત જે જે  દીવાલો પર ભાજપ-કોંગ્રેસના ચિત્રો દોરવામાં આવ્યા છે ત્યાં સ્પ્રે દ્વારા આમ આદમી પાર્ટીનો ઝાડું દોરવા પડશે.
શપથ ગ્રહણ સંમેલનમાં આમ આદમી પાર્ટીના સ્થાપક સભ્ય કિશોરભાઈ દેસાઈ દ્વારા નિમાયેલા 850 નવા હોદ્દેદારોએ ગુજરાતને ભ્રષ્ટાચાર મુક્ત બનાવવા, ગુજરાતના તમામ યુવાનોને રોજગારી આપવા, ગુજરાતમાં સારું શિક્ષણ અને આરોગ્ય લાવવા માટે, ગુજરાતને ભ્રષ્ટાચાર મુક્ત બનાવવા માટે ગુજરાતના ખેડૂતોના હક્કો માટે,ગુજરાતના આદિવાસીઓના સન્માન માટે, ગુજરાતના તમામ લોકોને સમૃદ્ધ અને સુખી બનાવવા, ગુજરાતમાં પરિવર્તન લાવવા, ગુજરાતને ફરી એકવાર મહાન બનાવવા સાચા હૃદયથી જય જય ગરવી ગુજરાત અને ભારત માતા કી જય ના નારા સાથે શપથ લીધા હતા ત્યારપછી બધાએ રાષ્ટ્રગીત ગાઈને ભારત માતાને સન્માન આપ્યું.
અંતમાં શપથ સંમેલનનું સમાપન કરતાં આમ આદમી પાર્ટીના સ્થાપક સભ્ય કિશોરભાઈ દેસાઈએ પોતાના વિચારો વ્યક્ત કરતાં જણાવ્યું હતું કે, ઈશ્વરની કૃપાથી હું હંમેશા પક્ષ માટે સતત કામ કરતો રહ્યો છું. મારા માટે બે ભગવાન છે, એક ભગવાન ઉપર અને બીજા અરવિંદ કેજરીવાલ. “આપ” એ ભાજપનો બાપ છે અને હવે ભાજપના બાપની સત્તા આવવાની છે. અહીં આપણે સૌએ ગુજરાત માટે નિષ્ઠાપૂર્વક કામ કરવાના શપથ લીધા છે અને આમ આદમી પાર્ટીમાં રહીને ગુજરાતની જનતા માટે કામ કરીશું.