Gujarati News

રાજકોટઃ કન્‍વેન્‍શન સેન્‍ટર, સરસાણા સુરત ખાતે રમત ગમ, યુવા અને સાંસ્‍કૃતિક પ્રવૃત્તિઓ વિભાગ દ્વારા ‘વીરાંજલિ' કાર્યક્રમનું આયોજન થયેલ હતું. આ કાર્યક્રમમાં પ્રસિધ્‍ધ હાસ્‍યકાર અને કટાર લેખક સાંઈરામ દવેના હાસ્‍ય- સાહિત્‍યના બે પુસ્‍તકો ‘વંદે હાસ્‍યમ' તથા ‘એકાવન સ્‍માઈલી'નું વિમોચન થયું. ગૃહમંત્રી હર્ષ સંઘવી તથા ભાગવત કથાકાર જીગ્નેશ દાદાએ આ બંને પુસ્‍તકોનું લોકાર્પણ કર્યું હતું. આશરે પંદર હજાર જેટલી જનમેદનીએ આ ઉપક્રમને હોંશભેર વધાવ્‍યો હતો. અત્રે નોંધનીય છે કે આ બંને પુસ્‍તકો આર.આર.શેઠ પ્રકાશનમાંથી બહાર પાડેલ છે. હળવીફૂલ હાસ્‍ય કવિતાઓ અને લેખ રજૂ કરતાં પુસ્‍તકો વાંચકોને અવશ્‍ય ગમશે એવી સાંઈરામે શ્રધ્‍ધા વ્‍યકત કરી હતી