Gujarati News

Gujarati News

News of Wednesday, 16th September 2020

ક્રાઇમ બ્રાંચે સાગર અને ધારાને પિસ્તોલ-કાર્ટીસ સાથે પકડ્યાઃ વેંચવા આપનાર મુન્નો પણ ઝડપાયો

કુવાડવા ચોકડીએ બે શખ્સને પકડ્યા બાદ નવાગામના ફાયનાન્સનું કામ કરતાં મુન્ના રાવતને પકડ્યોઃ આ શખ્સ અગાઉ આર્મ્સ એકટ, રાયોટ, દારૂ તેમજ ઠગાઇ સહિતના પાંચ ગુનામાં સંડોવાઇ ચુકયો છે : પીઆઇ વી. કે. ગઢવીની રાહબરીમાં પીએસઆઇ એમ. વી. રબારીની ટીમના હેડકોન્સ. પ્રતાપસિંહ ઝાલા, કોન્સ.એભલભાઇ બરાલીયા અને હરદેવસિંહ જાડેજાની બાતમી

રાજકોટ તા. ૧૫: ક્રાઇમ બ્રાંચે કુવાડવા ચોકડી વાંકાનેર તરફ જવાના રસ્તેથી મોરબી રોડ અને સામા કાંઠાના બે શખ્સને બાઇક પર રિવોલ્વર-કાર્ટીસ વેંચવા નીકળતાં પકડી લઇ આ હથીયાર આપનાર નવાગામના શખ્સને પણ પકડી લીધો છે.

ક્રાઇમ બ્રાંચની ટીમે બાતમી પરથી સાગર ઉર્ફ મેહુલ ઘોઘાભાઇ બાંભવા (ભરવાડ) (ઉ.વ.૨૫-રહે. સ્વસ્તિક વિલા-૧, સેટેલાઇટ ચોક મોરબી રોડ) તથા ધારા જાલાભાઇ રાતડીયા (ભરવાડ) (ઉ.વ.૩૦-રહે. મોરબી રોડ દિગ્વીજયનગર પેડક સરકારી હોસ્પિટલ પાછળ)ને બાઇક પર કુવડવા ગામની ચોકડીએ વાંકાનેર જતાં રોડ પર આંતરી તલાશી લેતાં દેશી બનાવટની રિવોલ્વર રૂ. ૧૦ હજારની અને ૪ જીવતા કાર્ટીસ મળતાં બંનેને સકંજામાં લીધા હતાં.

પુછતાછ થતાં બંનેએ આ હથીયાર પોતાને મુળ મોરબીના હરિઓમ પાર્કના અને હાલ નવાગામમાં રહેતાં મનિષ ઉર્ફ મુન્નો પ્રશાંતભાઇ રાવત (બ્રાહ્મણ) (ઉ.વ.૪૦)એ આપ્યાનું કબુલતાં તેને પણ નવાગામથી પકડી લેવાયો હતો. આ શખ્સ ફાયનાન્સનું કામ કરે છે અને અગાઉ તેના વિરૂધ્ધ મુળ, મોરબી, માનકુવામાં આર્મ્સ એકટ, દારૂ, મારામારી, ઠગાઇ સહિતના પાંચ જેટલા કેસ નોંધાઇ ચુકયા છે. સાગર અને ધારો જમીન-મકાન લે વેચનું કામ કરે છે. મનિષ ઉર્ફ મુન્નાએ એકાદ વર્ષ પહેલા હથીયાર શોખ ખાતર લીધું હતું. હવે પૈસાની જરૂર હોઇ વેંચવા માટે સાગરને આપતાં તે અને ધારો વેંચવા નીકળતાં પકડાઇ ગયા હતાં.

પોલીસ કમિશનર શ્રી મનોજ અગ્રવાલ, જેસીપી શ્રી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજાની સુચના હેઠળ પીઆઇ વી. કે. ગઢવીના માર્ગદર્શમાં પીએસઆઇ એમ. વી. રબારી અને ટીમના એએસઆઇ જયુભા એમ. પરમાર, હેડકોન્સ. જે. પી. મેવાડા, સોકતભાઇ ખોરમ, કોન્સ. તોરલબેન જોષી સહિતના પેટ્રોલીંગમાં હતાં ત્યારે સાથેના હેડકોન્સ. પ્રતાપસિંહ ઝાલા, એભલભાઇ બરાલીયા અને હરદેવસિંહ જાડેજાની બાતમી પરથી આ સફળતા મળી હતી. ત્રણેયના કોવિડ ટેસ્ટ કરાવી વિશેષ પુછતાછ હાથ ધરવામાં આવશે.

(2:43 pm IST)
  • આલેલે... છ મહિનામાં ચીનાઓએ કોઈ ઘૂસણખોરી કરી નથી : ગૃહ બાબતોના મંત્રાલયે રાજયસભામાં જણાવ્યુ હતું કે ભારત - ચીન સરહદે છેલ્લા ૬ મહિના દરમિયાન કોઈ જ ઘૂસણખોરીનો બનાવ બન્યો નથી access_time 11:17 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST