Gujarati News

નવી દિલ્‍હી તા. ૧૭ : આપણી દુનિયા જાણે જﾠમોબાઇલﾠપુરતી જ સીમિત રહી ગઇ છે. સંબંધો હોય કે પછી સંવેદના,ﾠમોબાઇલﾠપર જ ઠાલવવામાં આવે છે.ﾠમોબાઇલﾠવિના એક સેકન્‍ડ આપણને ચાલતુ નથી. કહેવાય છે કે કોઇપણ ટેકનોલોજીની તાબે ન થવુ જોઇએ. જરૂર પુરતો જ ઉપયોગ કરવામાં તેની સમજદારી છે. પણ ના આવુ સમજે કોણ. નવરા હોઇએ કે ન હોઇએﾠમોબાઇલﾠવિના આપણને ચાલે જ નહી. ત્‍યારે એકﾠસરવેﾠપ્રમાણે એવી વિગતો બહાર આવી છે કે તમે જાણીને ચોંકી જશો. દુનિયાભરમાં લોકોએ ૨૦૨૧માં મોબાઇલﾠપર રેકોર્ડ ૩.૮ લાખ કરોડ કલાક વીતાવ્‍યા. જયારેﾠમોબાઇલﾠયુઝર્સે ૩૬૫ દિવસમાં ૪૩,૩૫,૦૨,૩૦૦ વર્ષ વિતાવી દીધા.એપ એની સ્‍ટેટ ઓફ મોબાઈલ રિપોર્ટમાં દાવો કરવામાં આવ્‍યો છે.ﾠ

રિપોર્ટ અનુસાર, લોકો મોબાઈલ ફોન પર દિવસમાં સરેરાશ ૪.૮ કલાક વિતાવે છે. આ સમયગાળો તેમના જાગવાના કલાકોના ત્રીજા ભાગનો છે. ૨૦૨૧ સુધીમાં યુકેમાં દરરોજ ફોન પર વિતાવેલો સરેરાશ સમય ચાર કલાકનો હતો, જે વર્ષની વૈશ્વિક સરેરાશ ૪.૮ કલાક કરતાં ઓછો છે. જયારે મોબાઈલનો ઉપયોગ ૨૦૧૯માં દિવસમાં ત્રણ કલાકથી વધીને ૨૦૨૦માં દિવસમાં ૩.૭ કલાક થઈ ગયો છે.

૨૦૨૧નું વર્ષ તો રેકોર્ડ બ્રેકિંગ વર્ષ રહ્યુ, કારણ કે યુઝર મોબાઇલ લાઇફસ્‍ટાઇલને અપનાવવા અને મોટી સ્‍ક્રીનથી દૂરી બનાવીને રાખી છે. એપ એનીના સીઇઓ થિયોડોર ક્રાંત્‍ઝએ કહ્યુ કે મોટી સ્‍ક્રીનનો ઉપયોગ ધીરે ધીરે ઘટી રહ્યા છે.ﾠમોબાઇલﾠપર સમય વીતાવવોએ ડાઉનલોડ કરવુ અને કમાણી કરવા સહિતની તમામ શ્રેણીનો રેકોર્ડ તોડી રહ્યા છે.

ગયા વર્ષે લોકોએ ડેટિંગ એપ્‍સ પર $૪.૨ બિલિયન કરતાં વધુ ખર્ચ કર્યા હતા. આ આંકડો ૨૦૨૦ કરતા ૫૫ ટકા વધુ છે. ﾠછેલ્લા વર્ષમાં, વિશ્વભરના મોબાઇલﾠવપરાશકર્તાઓએ ફક્‍ત તમામ એપ્‍લિકેશનો પર ૧૭૦ અબજ ડોલર ખર્ચ્‍યા છે. જે ૨૦૨૦ની સરખામણીમાં ૧૯ ટકા વધુ છે.

ભારતીયો સોશિયલ મીડિયા પર સરેરાશ ૨.૨૫ કલાક વિતાવે છે, જે વૈશ્વિક સરેરાશ પ્રતિ દિવસ ૨.૫ કલાક કરતા થોડો ઓછો છે. ભારતમાં સોશિયલ મીડિયા યુઝર્સની સંખ્‍યા ૨૦૨૧માં ૪૪૮ મિલિયન સુધી પહોંચી ગઈ છે. ઈન્‍ટરનેટ વપરાશકર્તાઓની સંખ્‍યા ૬૨૪ મિલિયન સુધી પહોંચી ગઈ છે, જે ભારતની વસ્‍તીના ૪૫ ટકા છે.

બ્રાઝિલ, ઈન્‍ડોનેશિયા અને દક્ષિણ કોરિયાના લોકો રોજના ૫ કલાક મોબાઈલ પર વીતાવે છે. તે પછી મેક્‍સિકો, ભારત અને જાપાનનો નંબર આવે છે. જયારે ﾠઅમેરિકનો મોબાઈલ પર ૪.૧ કલાક વિતાવે છે, જે ટીવી જોવાના સમય (૩.૧ કલાક) કરતા વધુ છે.

વિશ્વભરમાં મોબાઈલ યુઝર્સ સૌથી વધુ સમય ફેસબુક, ટિકટોક અને યુટ્‍યુબ પર વિતાવે છે. દર ૧૦ મિનિટમાંથી ૭ મિનિટ આ એપ્‍સ પર ખર્ચવામાં આવે છે. જેમાં ટિકટોક ﾠસૌથી આગળ છે.