Gujarati News

Gujarati News

News of Monday, 17th May 2021

રાજકોટ મહાનગર પાલિકાના 'મારો વોર્ડ-કોરોના મુકત વોર્ડ'અભિયાનને વેગ આપવા સમીક્ષા બેઠક

મંત્રી આર.સી.ફળદુ અને જયેશભાઇ રાદડિયાના અધ્યક્ષ સ્થાને

રાજકોટ તા. ૧૭ : કૃષિ મંત્રીશ્રી આર.સી.ફળદુ અને અન્ન અને નાગરિક પુરવઠા મંત્રી જયેશભાઇ રાદડીયાના અધ્યક્ષ સ્થાને રાજકોટ મહાનગરપાલિકાની 'મારો વોર્ડ- કોરોના મુકત વોર્ડ' અભિયાન અંગેની સમીક્ષા બેઠક રાજકોટ મનપાના કોન્ફરન્સ હોલ ખાતે યોજાઇ હતી.

મંત્રી શ્રી આર.સી.ફળદુએ કોરોનાના મહાયુધ્ધની સામે લડનારા સૌ કોરોના વોરિયર્સની કામગીરીને બિરદાવી જણાવ્યુ હતું કે, કોરોનાનું સંક્રમણ હવે ઘટયુ છે ત્યારે તે સંપૂર્ણ રીતે ઘટે તે માટે હજુ આપણે લડાઇ લડવાની છે. નિષ્ણાંતો હજુ કોરોનાના ત્રીજો ઘાતકી ફેસ આવવાની સંભાવના વ્યકત કરી છે, ત્યારે આપણે હાલની કોરોનાની ચેઇનને તોડવી ખૂબ આવશ્યક છે. કોરોનાની બીજી લહેરને અટકાવીએ ને કોરોનાનો ત્રીજા ફેસને અટકાવવાના પ્રયાસો કરીએ. દરેક વોર્ડ અને દરેક ગામ કોરોનાથી મુકત કરવા માટે રાજય સરકાર તમામ પ્રયાસો કરી રહી છે. ત્યારે આપણે સૌ સાથે મળીને કોરોનાના સંક્રમણને કાબુમાં લાવીએ, નેસ્ત નાબુદ કરીએ.

મંત્રીશ્રી જયેશભાઇ રાદડિયાએ નગર પાલિકાઓ વિસ્તારની કોરોનાની પરિસ્થિતી પણ દરેક નગરપાલિકાના ચીફ ઓફિસરો પાસે તથા પ્રાદેશિક નગરપાલિકા કમિશનરશ્રી સ્તુતિ ચારણ પાસે જાણી હતી. તેમજ ચોમાસુ નજીક હોઇ પ્રિમોનસુનની કામગીરી ઝડપથી કરવા સુચના આપી હતી.

મ્યુ.કમિશનરશ્રી ઉદિત અગ્રવાલે પાવર પોઇન્ટ પ્રેઝન્ટેશનના માધ્યમથી હાલમાં રાજકોટ શહેરમાં કોરોનાના કેસો, તેને કાબુમાં લેવામાં આવનાર વિવિદ્ય પગલા, હોમ આઇસોલેશન, કોવિડ કેર સેન્ટર, હોમિયોપેથિક દવાઓનું વિતરણ, સર્વેલન્સ, આરોગ્ય કેન્દ્રોનો થતો મહત્તમ ઉપયોગ, સ્વચ્છતા અને ચેપ ફેલાતો અટકાવવાની થતી કામગીરી વિશે માહિતી રજૂ કરી હતી.

આ બેઠકમાં મેયરશ્રી પ્રદિપ ડવ, ડેપ્યુટી મેયર ડો.દર્શિતા શાહ, અગ્રણી કમલેશ મિરાણી, પુષ્કર પટેલ, નાયબ મ્યુ.કમિશર પ્રજાપતિ, રૂડાના સીઇઓ ચેતન ગણાત્રા, સમીર ઘડુક, શ્રી અદાણી, શ્રી વ્યાસ સહિતના અધિકારીઓ અને પદાધિકારીઓ ઉપસ્થિત રહયા હતા. અધિકારીઓએ પોતાના હસ્તકની કામગીરીની જાણકારી પણ મંત્રીશ્રીઓને આપી હતી.

(3:30 pm IST)
  • રાજકોટ : નેશનલ સેન્ટર ફોર સિસ્મોલોજી મુજબ રાજકોટમાં આજે સવારે રિક્ટર સ્કેલ પર 3.8 ની તીવ્રતાનો ભૂકંપ આવ્યો હતો : ભૂકંપ 03:37:18 વાગ્યે સવારે રાજકોટથી દક્ષિણમાં 10 કિલોમીટરની ઉંડાઈએ આવ્યો હતો. access_time 9:27 am IST

  • શ્રીનગરની ભાગોળે બે આતંકીઓ ઠાર મરાયા : બાકીના સાથે મૂઠભેડ ચાલુ : શ્રીનગરને અડીને આવેલા ખાન મોહ વિસ્તારમાં બે આતંકવાદીઓને સુરક્ષાદળોએ ઠાર માર્યા છે, જયારે બીજા ૨ થી ૩ આતંકવાદીઓ સાથે મૂઠભેડ ચાલુ છે : આજે વ્હેલી સવારે આ વિસ્તારમાં આતંકીઓ જોવા મળ્યાની જાણ થતાં એસઓજી, લશ્કર અને સીઆરપીએફની સંયુકત ટુકડી પહોંચી ગયેલ અને એક મકાનમાં છુપાયેલા આતંકીઓ સાથે મૂઠભેડ શરૂ થયેલ : સુરક્ષા કર્મીઓ ઘર-ઘરની તલાશી લેતા હતા ત્યારે એક મકાનમાં છુપાયેલા આ આતંકીઓએ નજીક આવેલા જવાનો ઉપર ગોળીબાર શરૂ કરેલ : સુરક્ષાદળોએ આત્મસમર્પણ કરવા કહ્યુ છતા આતંકીઓએ ગોળીબાર ચાલુ રહેતા બે ને ઠાર મારવામાં આવેલ access_time 12:15 pm IST

  • વાવાઝોડું દીવ થી 90કી. મી. દૂર :પોરબંદર માં રાત્રે 8વાગે 70 થી 80 કી. મી. ની ઝડપે પવન ફૂંકાશે :સાંજે 6વાગે પોરબંદર માં 1મી. મી નુ ઝાપટું :30 કી. મી ની ઝડપે ફૂંકાતો પવન :વાવાઝોડા ની સ્પીડ ઘટી :અહેવાલ હેમેન્દ્રભાઈ પારેખ, પોરબંદર. access_time 6:10 pm IST