Gujarati News

રાજકોટઃ આગામી ૧૯ જાન્‍યુઆરીના રોજ ઓશો કોમ્‍યુન દ્વારા રાષ્‍ટ્રીયશાળા ખાતે ઓશો નિર્વાણ મહોત્‍સવનું ૯ દિવસીય આયોજન થયાનું શ્રી ગુરૂકૃપા કન્‍સ્‍ટ્રકશન કાું.ની એક યાદીમાં જણાવાયુ છે. સવારે ૫.૧૫થી રાત્રે ૯ સુધી આ શિબિર ચાલશે જેમાં કીર્તન, વોર્મઅપ, સક્રીય ધ્‍યાન, ધ્‍યાન પ્રયોગ અને જન્‍મદિન ઉજવણી તથા રાત્રી ભોજનનું આયોજન થયુ છે. શિબિરનું રજીસ્‍ટ્રેશન શિબિર ચાલુ થવાના દિવસ સુધી ચાલુ જ રહેશે  અગાઉથી જ રજીસ્‍ટ્રેશન કરાવી લેવા અને જે કોઇ મિત્ર કોઇ કારણ હેતુ અગાઉથી જાણ ન કરી શકયા તે શિબિરના દિવસે આવીને ત્‍યાં કરાવી શકે છે.

આ શિબિરમાં કોઇપણ જ્ઞાતિનીસ્ત્રી, પુરૂષ કે યુવાન હોય તે ભાગ લઇ શકે છે. કોઇપણ મિત્ર આખા દિવસમાં કોઇ વિશેષ ધ્‍યાનમાં જ ભાગ લેવા માગતા હોય તે પણ આ શિબિરમાં ભાગ લઇ શકે છે. શિબિરમાં નાસ્‍તો, લંચ, રાત્રિ ભોજન તથા ચા બધા ઉપલબ્‍ધ છે તેમાટે કોઇ ચાર્જ નથી. પરંતુ સ્‍વૈચ્‍છિક અનુદાન સ્‍વીકાર્ય છે. જે કોઇ મિત્ર આ શિબિરમાં આવે તે આરામ-દાયક કપડા પહેરીને આવે અને જે ઓશો સંન્‍યાસી છે તેઓ મરુન કે સફેદ રોબમાં આવે તો સારુ રહેશે. રજીસ્‍ટ્રેશન માટે વોટસએપ નં: ભિખાલાલ વોરાઃ ૯૩૭૪૧ ૦૧૧૨૪, ભાવના કસુંદ્રાઃ ૭૫૭૫૦ ૦૨૦૨૦ અને દિલીપ પટેલઃ ૯૮૨૫૨ ૨૯૩૯૪ ઉપર રજીસ્‍ટ્રેશન થઇ શકશે તેમ જણાવાયુ છે.