Gujarati News

Gujarati News

News of Tuesday, 18th May 2021

આજી-ર ડેમનો એક દરવાજો એક ફુટ ખોલાયોઃ રાજકોટ જિલ્લાના વિવિધ ડેમ સ્ત્રાવ પર પ મી.મી. થી ૩૦ મી. મી. સુધીનો વરસાદ

રાજકોટ તા. ૧૮ :.. તૌકતે વાવાઝોડાના ગુજરાતમાં પ્રવેશ બાદ મોટાભાગના જિલ્લાઓમાં મોડી રાતથી વરસાદ વરસતા રાજકોટ જિલ્લાના વિવિધ ડેમ સ્ત્રાવ પર પ મી.મી.થી ૩૦ મી. મી. વરસાદ પડયો છે. જયારે આજી-ર ડેમનો એક દરવાજા ખોલવામાં આવ્યો છે.

રાજકોટ નજીક આવેલા આજી-ર ડેમ તેની નિર્ધારિત સપાટીએ ભરાઇ જતા ડેમનો એક દરવાજો એક ફુટ ખોલવામાં આવેલ છે. ડેમના નીચાણવાળા વિસ્તારના અડબાલકા બાધી, દહિંસરડા, ડુંગરકા, ગઢડા, હરિપર, ખંઢેરી, નારણકા, ઉકરડા, અને સખપર ગામના લોકોએ નદીના પટ અવર જવર ન કરવા અને સાવચેત રહેવા ફલડ કંટ્રોલ રૂમ તરફથી જણાવવામાં આવ્યું છે.

આ અંગે રાજકોટ સિંચાઇ વિભાગની સત્તાવાર વિગતો મુજબ સવારના ૬ વાગ્યાથી ૮ વાગ્યા સુધીમાં રાજકોટ જિલ્લાના વિવિધ ડેમ સ્ત્રાવ પર પ મી. મી. થી ૩૦ મી. મી. સુધી વરસાદ પડયો છે. જેમાં વેરી ડેમ-ર૦ મી. મી., મોતીસર-પ મી.મી., છાપરવાડી-૩૦ મી. મી., ફોફળ-૧૬ મી. મી., આજી-૧ ૧પ મી. મી., લાલપરી-૧ર મી. મી. તથા મલગઠ-૧૦ મી. મી. વરસાદ વરસ્યો હતો.

(3:04 pm IST)
  • બંગાળની રાજનીતિમાં જબરો ગરમાવો : પશ્ચિમ બંગાળના નારદા સ્ટિંગ કેસમાં CBI દ્વારા ધરપકડ કરાયેલા ચાર ટીએમસી નેતાઓની જામીન પર કલકત્તા હાઇકોર્ટે મોડી સાંજે રોક લગાવીને સ્ટે આપ્યો છે. હાઇકોર્ટે આ કેસમાં આગામી સુનાવણી માટે 19 મેની તારીખ નક્કી કરી છે. access_time 11:28 pm IST

  • ‘તૌકતે’ વાવાઝોડાઍ ગુજરાતમાં ૪૦ હજાર વૃક્ષો અને ૧૬૫૦૦ કાચા - પાકા મકાનોનો ભૂક્કો બોલાવી દીધો : મુખ્યમંત્રી વિજયભાઇ રૂપાણીઍ કરેલી જાહેરાત (ઈન્ડિયા ટીવીનો અહેવાલ) access_time 12:47 pm IST

  • આજે પણ રાજકોટ શહેર - જિલ્લામાં કોરોનાની પરિસ્થિતિ માં ભારે રાહત : આજે સાંજ સુધીમાં રાજકોટ શહેરમાં 187 અને ગ્રામ્યના 103 કેસ સાથે કુલ ફક્ત 290 નવા કોરોના ના કેસ નોંધાયા access_time 7:49 pm IST