Gujarati News

રાજકોટ તા. ૧૮ : ભાણવડ તાલુકાના જશાપરમાં સહુ પ્રથમ શ્રી ન્‍યાયલચંદ ભગવાનજી જૈનના મકાનમાં ૧ થી ૪ ધોરણ સુધી શાળા હતી. ત્‍યાર બાદ શા.પોપટલાલ ઝીણાભાઇ મણિયારના પ્રયત્‍નથી તા.રર/૬/૧૯૪૧ ના પ્રાથમીક શાળાનું નિર્માણ થયેલ.
જોગાજુજોગ જે શાળામાં અભ્‍યાસ કરેલ છે તેવા પૂ. ધીરજમુનિ મહારાજ સાહેબની નિશ્રામાં શાળા નં.૮૧ ના જન્‍મદિન નિમિતે બાલક-બાલિકાઓએ વિશિષ્‍ટ કાર્યક્રમ રજુ કરેલ આ પ્રસંગે પૂર્વવિદ્યાર્થી નારણભાઇ ગાગલીયાએ હોલ નિર્માણમાં ૧ લાખનું દાન જાહેર કરેલ.
શાળાના શિક્ષક ગોવિંદભાઇ રાઠોડે ઋણ સ્‍વીકાર કરેલ આગામી ર૬ જુનના પૂ. ધીરગુરૂદેવના ચાતુર્માસ, પ્રવેશોત્‍સવ પ્રસંગે ધુવાડાબંધ ગામ જમણની કે.ડી.કરમુર પરિવાર તરફથી ઘોષણા કરાતા ઉમંગ છવાયો હતો.