Gujarati News

રાજકોટઃ  માલવીયાનગર પોલીસ મથક હેઠળના વિસ્‍તારમાં રહેતા લોકો સુરક્ષીત અને સલામત રહે અને વ્‍યાજખોરી અંગેના પ્રશ્નોના નિવારણ માટે આજે માલવીયાનગર પોલીસ દ્વારા ગોંડલ રોડ પી.ડી.એમ.કોલેજમાં લોકદરબારનું આયોજન કરવામાં આવ્‍યું હતું. આ લોકદરબારમાં ત્રીસથી વધુ લોકોએ ભાગ લીધો હતો. જેમાં બે અરજદારે પોતાના પ્રશ્નોની પોલીસ સમક્ષ રજુઆત કરી હતી. આ પ્રસંગે ઇન્‍ચાર્જ એસપી વી.જી.પટેલ, માલવીયાનગર પોલીસ મથકના પીઆઇ આઇ.એન.સાવલીયા, પીએસઆઇ એમ.એસ.મહેશ્વરી તથા સ્‍ટાફે અરજદારોને સાંભળ્‍યા હતા.