Gujarati News

Gujarati News

News of Sunday, 18th April 2021

રાજકોટના પોલીસ બેડામાં કોરોના ઘુસ્યો :યુનિવર્સિટી પોલીસ મથકના 17 કર્મચારીઓને કોરોના પોઝિટીવ

પીઆઇ અજીતસિંહ ચાવડા, 2 PSI સહિત 17 પોલીસકર્મી કોરોના સંક્રમિત

 

રાજકોટમાં યુનિવર્સિટી પોલીસ સ્ટેશન કોરોનાની ઝપેટમાં આવ્યું છે. પોલીસ સ્ટેશનમાં ફરજ બજાવતા 17 પોલીસકર્મીઓ કોરોનાગ્રસ્ત થયા છે. જેમાં PI અજીતસિંહ ચાવડા, 2 PSI સહિત 17 પોલીસકર્મીને કોરોના પોઝિટીવ આવ્યા છે.

રાજકોટમાં હોસ્પિટલ બહાર 108 એમ્બ્યુલન્સ તથા ખાનગી વાહનોની લાંબી કતારો જોવા મળી રહી છે. 60થી વધુ એમ્બ્યુલન્સો લાઈનોમાં જોવા મળી હતી. અત્રે ઉલ્લેખનીય છે કે દર્દીને દાખલ કરવા માટે રાત્રે અઢી વાગ્યાથી હોસ્પિટલ બહાર લોકો કતારો લગાવી રહ્યા છે.

 રાજકોટના સાંસદે જિલ્લા આયોજન અધિકારીને પત્ર લખ્યો છે. સાંસદ મોહન કુંડારિયાએ પત્ર લખ્યો હતો. રાજકોટ જિલ્લામાં 9 જેટલી 108 ફાળવવા અપીલ કરી છે. રાજકોટ શહેર અને જિલ્લામાં 3-3 108ની માગ ઉઠી છે. મોરબીમાં પણ 3 ગાડીઓ ફાળવવા માગ કરાઈ છે

(12:09 am IST)
  • ચીનના કબ્‍જાગ્રસ્‍ત હોંગકોંગે ભારતથી આવતી તમામ ફલાઈટો ઉપર પ્રતિબંધ લગાવી દીધો છે : પાકિસ્‍તાન અને ફીલીપાઈન્‍સની ફલાઈટો ઉપર પણ બાન મૂકી દીધો છે access_time 11:49 am IST

  • નવા કૃષિ કાયદાઓ પાછા ખેંચવાની માગણી સાથે છેલ્લા ઘણા મહિનાથી ગાઝિયાબાદની યુપી ગેટ બોર્ડર પર વિરોધ કરી રહેલા ખેડૂત નેતાઓનું જોમ ઘટી રહેલ જોવા મળી રહ્યું છે. કોરોના રોગચાળાની બીજી લહેરનો ભય ત્યાં પણ દેખાય રહ્યો છે. ધારણામાં ખેડુતોની સંખ્યા પણ ખૂબ ઓછી દેખાય રહી છે. દરમિયાન, ગાઝિયાબાદ પોલીસની સાથે દિલ્હી પોલીસ NH -9 નો એક ભાગ ખોલી રહી છે. પોલીસ અધિકારીઓનું કહેવું છે કે, કોરોના દર્દીઓ લઇને ચાલી રહેલી એમ્બ્યુલન્સ સેવાઓ ચલાવવામાં કોઈ અવરોધ ન આવે તે માટે આ કાર્યવાહી કરવામાં આવી રહી છે. access_time 9:36 am IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST