Gujarati News

રાજકોટ,તા. ૨૦ : ગોંડલ રોડ ખોડીયારનગરમાંથી ક્રાઇમ બ્રાંચની ટીમે બાતમીના આધારે એક શખ્સને ચોરાઉ એકસેસ સાથે પકડી લીધો છે.

મળતી વિગત મુજબ ગોંડલ રોડ પર આવેલા ખોડીયારનગરમાં એક શખ્સ ચોરાઉ મોટરસાયકલ સાથે ઉભો હોવાની ક્રાઇમ બ્રાંચના કોન્સ. કિરતસિંહ ઝાલા તથા દિપકભાઇ ડાંગરને બાતમી મળતા ખોડીયારનગર શેરી નં. ૧માંથી શાહબાઝ ઉર્ફે શાબલો સતારભાઇ જોબન (ઉવ.૨૦) (રહે. ખોડીયારનગર શેરી નં. ૧)ને ચોરાઉ એકસેસ સાથે પકડી લીધો હતો. શાહબાઝ અગાઉ ટુ વ્હીલર ચોરીમાં માલવીયાનગર ભકિતનગર અને આજીડેમ પોલીસ મથકમાં પકડાઇ ચુકયો છે. તેમજ અગાઉ આઠ જેટલી ફોર વ્હીલ ચોરીમાં પણ એસ.ઓ.જી.એ પકડાયો હતો. તે પાસામાં પણ જઇ ચૂકયો છે.