Gujarati News

Gujarati News

News of Saturday, 21st November 2020

મ.ન.પા.ની સીટી બસ રાત્રે ૮ પછી બંધ રહેશેઃ કર્ફયુનો અમલ થશે

આજથી સવારે ૬ રાત્રીના ૮ સુધી જ સીટી બસ દોડશે

રાજકોટ, તા.૨૧: શહેરમાં જાહેર પરિવહનનું સંચાલન કરતી રાજકોટ મહાનગરપાલિકાની કંપની 'રાજકોટ રાજપથ લી. દ્વારા બી.આર.ટી.એસ.નું સંચાલન કરવામાં આવે છે. તથા રાજકોટ રાજપથ લી.ને સરકાર દ્વારા જાહેર કરવામાં આવેલ અનલોક -પ ની ગાઇડલાઇન (માર્ગદર્શન) અન્વયે હાલમાં ૭૫% મુજબ પરિવહન સેવા ચાલુ છે. તાજેતરમાં સરકારશ્રી દ્વારા કોવિડ-૧૯ના ફેલાવો રોકવા માટે જાહેર કરવામાં આવેલ રાત્રીના કફર્યુના સમયને (રાત્રીના ૯: કલાકથી સવારના ૬:૦૦) ધ્યાને રાખીને બસ સેવાનો સમય સવારના ૬ થી રાત્રીના ૮ સુધીનો રાખવામાં આવેલ છે. જેથી જાહેર જનતાએ નોંધ લેવા રાજકોટ રાજપથ લી.ની યાદીમાં જણાવાયુ છે.

(4:22 pm IST)
  • કાશ્મીરમાં સંખ્યાબંધ સ્થળોએ ઈડીના દરોડા : જમ્મુ અને કાશ્મીર બેંકમાં શંકાસ્પદ વ્યવહારોને સાંકળતા મની લોન્ડરિંગ અંગેની તપાસના સંદર્ભે એન્ફોર્સમેન્ટ ડાયરેક્તટોરેટે આજે કાશ્મીરમાં અનેક જગ્યાએ દરોડા પાડયા છે. access_time 6:32 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST