Gujarati News

રાજકોટ તા. ૧૦ : રાજકોટ શહેર - જિલ્લામાં આજની તારીખે વિવિધ હોસ્પિટલમાં થઇને હજુ કોરોનાના ૫૫૯ દર્દી સારવારમાં હોવાનું એડીશ્નલ કલેકટર શ્રી પરિમલ પંડયાએ 'અકિલા'ને જણાવ્યું હતું.

તેમણે ઉમેર્યું હતું કે, પ્રાયવેટ હોસ્પિટલમાં ૨૫૬૪ સહિત અને સરકારી હોસ્પિટલોના મળીને કુલ ૫૪૩૪ બેડ ખાલી છે. જેમાં સિવિલમાં ૮૦૦, સમરસમાં-૭૫૪, કેન્સર કોવીડમાં-૧૪૬, ગોંડલ-૬૭, જસદણ-૨૧, ધોરાજી-૮૫ તથા રૂરલ હોસ્પિટલમાં ૯૯૭ બેડ ખાલી છે, અને પ્રાયવેટ - સરકારી થઇને ૮૩૪ વેન્ટીલેટર ઉપલબ્ધ છે. કોરોના માટે કુલ ૫૯૯૩ બેડ ઉભા કરાયા હતા. જેમાં સમરસમાં-૦, ગોંડલ-૦ પેશન્ટ છે. જ્યારે સિવિલમાં ૪૦, કેન્સર કોવીડમાં-૫૧, જસદણ-૩, ધોરાજી-૫, પ્રાયવેટમાં-૩૭૬ તથા રૂરલ હોસ્પિટલમાં-૮૪ દર્દીઓ દાખલ છે.