Gujarati News

Gujarati News

News of Wednesday, 21st April 2021

હોસ્પિટલમાં દાખલ ભાઇ માટે ઓકિસજન લેવા જઇ રહેલા યુવાનની કાર રોકાવી નંબર પ્લેટમાં છેડછાડનો દંડ વસુલાયો

ધરમ રાચ્છ નામના યુવાને કહ્યું-નંબર પ્લેટ પર માતાજીની ચુંદડી બાંધેલી હતી તેનાથી હું પણ અજાણ હતોઃ કાર ભાઇની હોઇ તેની ખબર નહોતીઃ કેકેવી ચોકમાં બનાવ

રાજકોટઃ ટ્રાફિકના નિયમોનું પાલન કરાવવા પોલીસ સતત એલર્ટ રહે છે. અમુક કિસ્સાઓમાં વાહન ચાલકે મજબુરીમાં કાયદો તોડ્યો હોય તો પોલીસ માફ પણ કરી દે છે અને દંડ લીધા વગર માનવતા ખાતર જવા પણ દે છે. પરંતુ આજે કેકેવી ચોકમાં ટ્રાફિક પોલીસે એક કારને રોકી તેની નંબર પ્લેટ પર ચુંદડી બાંધેલી હોઇ નંબર પ્લેટમાં છેડછાડ કરવા બદલ કાર ચાલકને મેમો આપી દંડ વસુલ કર્યો હતો. કારચાલક ધરમ નટવરલાલ રાચ્છે જણાવ્યું હતું કે મારા ભાઇ રવિભાઇની આ કાર છે અને તેમાં નંબર પ્લેટ પર ચુંદડી બાંધેલી છે તેનાથી હું અજાણ હતો. મારા ભાઇને સારવાર માટે નિલકંઠ કોવિડ હોસ્પિટલમાં દાખલ કર્યા હોઇ તેની કાર લઇને હું ઓકિસજનનો બાટલો ભરાવવા જવા નીકળ્યો હતો. આવા સમયે પોલીસે અટકાવી દંડ વસુલવા ભારે લમણાઝીંક કરી હતી. મેં આજીજી કરી હતી કે ઉતાવળે ઓકિસજનનો બાટલો પહોંચાડવાનો છે. પણ તેઓ માન્યા નહોતાં અને દંડ લીધો હતો. પોલીસે અહિ કદાચ નિયમોને આગળ ધરી કાર્યવાહી કરી હશે એ સમજી શકાય. પરંતુ આવા સમયે માનવતા  દાખવી પોલીસ ખરા અર્થમાં 'પોલીસ પ્રજાનો મિત્ર' એ સુત્ર સાર્થક કરી શકી હોત. (ફોટોઃ સંદિપ બગથરીયા)

(4:09 pm IST)
  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST

  • અમેરિકા : જ્યોર્જ ફ્લોયડના મૃત્યુમાં ભૂતપૂર્વ મિનીએપોલિસ અધિકારી ડેરેક ચૌવિનને ખૂન અને હત્યાકાંડના આરોપમાં દોષી ઠેરવવામાં આવ્યા છે. ફ્લોયડના મોતથી જાતિવાદ સામે વિશ્વવ્યાપી વિરોધ પ્રદર્શિત થયો હતો, જ્યારે વીડિયો બતાવવામાં આવ્યું હતું કે ચૌવિને તેના ગળા પર ઘૂંટણ લગાવીને જમીન પર ફ્લોઇડને દબાવવાથી તે મોતને ભેટ્યા હતા. access_time 10:07 am IST