Gujarati News

Gujarati News

News of Friday, 22nd January 2021

માસ્ક ન પહેરી, સોશિયલ ડિસ્ટન્સ ન જાળવી, કર્ફયુ ભંગ કરવાનો ગુનામાં ઇન્દ્રનીલ રાજ્યગુરૂ સહિત ૭ની ધરપકડ

આઇપીસી ૧૮૮, ૨૬૯ મુજબના ગુનામાં રાત પોલીસ સ્ટેશનમાં વીતાવીઃ બપોરે કોર્ટમાં રજૂ કરવા તજવીજ

રાજકોટ તા. ૨૨: રાજકોટમાં યોજાનારા ખેડૂત સંમેલનને મંજુરી ન મળતાં ગઇકાલે જીલ્લા પંચાયત ચોક અકિલા સર્કલ ખાતે કોંગી આગેવાનો તથા કિસાન સંઘર્ષ સમિતીના આગેવાનો પૂર્વ ધારાસભ્ય ઇન્દ્રનીલભાઇ રાજ્યગુરીની આગેવાનીમાં ધરણા યોજાયા હતાં. જેથી પોલીસે તમામની અટકાયત કરી હતી અને હેડકવાર્ટર ખાતે લઇ જવાયા હતાં. રાતે મુકત કરવામાં આવ્યા બાદ ફરીથી આ તમામ અકિલા સર્કલ ખાતે ધરણા પર બેસી જતાં પોલીસે કર્ફયુ ભંગ, માસ્ક ન પહેરવા અને સોશિયલ ડિસ્ટન્સનો ભંગ કરવા સબબ ગુનો નોંધી તમામની ધરપકડ કરી હતી. તમામે રાત પોલીસ સ્ટેશનમાં વિતાવી હતી. આજે બપોરે કોર્ટમાં રજૂ કરવા તજવીજ કરવામાં આવશે.

આ બારામાં એ-ડિવીઝન પોલીસ મથકના પીએસઆઇ જે. એમ. ભટ્ટે ફરિયાદી ગુજરાત કિસાન સંઘર્ષ સમિતીના આગેવાનો ઇન્દ્રનીલભાઇ સંજયભાઇ રાજ્યગુરૂ (ઉ.વ.૫૪-રહે. નિલસિટી કલબ યુનિવર્સિટી રોડ રાજકોટ), વશરામભાઇ આલાભાઇ સાગઠીયા (ઉ.વ.૫૫-રહે. નવા થોરાળા-૧), ડાયાભાઇ નાનજીભાઇ ગજેરા (ઉ.વ.૬૪-રહે. જીરાયા પ્લોટ ઉપલેટા), ભાવેશભાઇ વશરામભાઇ લુણાગરીયા (ઉ.વ.૪૮-રહે. હાથીખાના-૭), ભુપતસિંહ રાહુભા ઝાલા (ઉ.વ.૭૨-રહે. શકિત કૃપા, કોઠારીયા રોડ ફાયર બ્રિગેડ સામે), ચાંદનીબેન પિયુષભાઇ લીંબાસીયા (ઉ.વ.૨૬-રહે. નારાયણનગર-૧, પેડક રોડ) તથા હરિશ્ચંદ્રસિંહ ભરતસિંહ જાડેજા (ઉ.વ.૩૩-રહે. ખેજડીયા તા. ધ્રોલ) સામે આઇપીસી ૧૮૮, ૨૬૯ મુજબ કોવિડ-૧૯ અંતર્ગત જાહેર થયેલા કર્ફયુના નિયમનો ભંગ પહેરી તેમજ મોઢા પર માસ્ક નહિ પહેરી સોશિયલ ડિસ્ટન્સ નહિ જાળવી ધરણા કરવા અંગેનો ગુનો નોંધી ધરપકડ કરી હતી.

પીએસઆઇ જે. એમ. ભટ્ટે ફરિયાદમાં જણાવ્યું છે કે હું પોલીસ સ્ટેશને ફરજ પર હતો ત્યારે પીસીઆર-૨ના ઇન્ચાર્જ કોન્સ. સાગરદાનભાઇ દાંતીએ ફોનથી જાણ કરી હતી કે રાતે ૧૦:૪૦ કલાકે કન્ટ્રોલ રૂમ પરથી મેસેજ મળ્યો છે કે જીલ્લા પંચાયત ચોક ખાતે કોંગ્રેસના કાર્યકરો ધરણા પર બેઠા છે. આથી હું તથા હેડકોન્સ. ડી. જે. જાડેજા, કોન્સ. નરેશભાઇ ઝાલા સહિતના પહોંચ્યા હતાં. ત્યાં ૭ લોકો ધરણા પર બેઠેલા જોવા મળ્યા હોઇ પીઆઇ સી. જી. જોષીને ફોનથી જાણ કરી હતી.

આ લોકોએ કોરના મહામારી ચાલુ હોઇ તે અંતર્ગત કર્ફયુનો ભંગ કરી, જાહેરનામાનું પાલન ન કરી તેમજ માસ્ક ન પહેર્યા હોઇ અને સોશિયલ ડિસ્ટન્સ પણ જાળવ્યું ન હોઇ તમામા સામે ગુનો નોંધવાની કાર્યવાહી કરવામાં આવી હતી.

(12:58 pm IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST