Gujarati News

Gujarati News

News of Friday, 22nd January 2021

ગાંડી વેલ કાઢવા વધુ એક મશીન ખરીદવા સ્ટેન્ડીંગ કમીટીનો નિર્ણયઃ ઉદિત અગ્રવાલ

રાજકોટઃ નદીમાં ઉત્પન્ન થતી ગાંડી વેલને કારણે ઉપસ્થિત થતા ઉપદ્રવના નિરાકરણ માટે આ અગાઉ રાજકોટ મહાનગરપાલિકાએ એક મશીન વસાવ્યું હતું. હવે આગામી ફેબ્રુઆરી-ર૦ર૧માં વધુ એક મશીન રૂ. ૧.૬૦ લાખમાં ખરીદવા માટેની કાર્યવાહી શરૂ કરવામાં આવી છે તેમ વહીવટદાર અને મ્યુનિ. કમિશ્નરશ્રી ઉદિત અગ્રવાલે જાહેર કર્યું છે. આ અગાઉ ગાંડી વેલ દુર કરવા માટે રાજકોટ મહાનગરપાલિકાને ફાળવવામાં આવેલ આધુનિક મશીનને તા. ૦૧-૦૧-ર૦ર૧ના રોજ રાજયના માનનીય મુખ્યમંત્રીશ્રી વિજયભાઇ રૂપાણીએ ફલેટ આપેલ તે અહીં યાદ અપાવવું જરૂરી છે. દરમિયાન મ્યુનિ. કમિશનરશ્રીએ બેડી પાસે અગાઉ ઉપલબ્ધ કરાયેલ મશીન દ્વારા ગાંડી વેલ દુર કરવાની કામગીરી નિહાળી હતી અને વધુ એક મશીન માટેની વહીવટી મંજૂરી પણ આજે આપવામાં આવેલ છે. કમિશનરશ્રી આજે જણાવ્યું હતું કે, ગાંડી વેલના કારણે ઉત્પન્ન થતા મચ્છર સહિતના ઉપદ્રવ દુર કરવા રાજકોટ મહાનગરપાલિકાએ આધુનિક મશીનરી વસાવવાનું શરૂ કર્યું છે. આ કામગીરી વધુ અસરકારક રીતે થાય તે માટેની આ વ્યવસ્થાને મજબુત બનાવવામાં આવી રહી છે. આગામી ફેબ્રુઆરી-ર૦ર૧ માસમાં વધુ એક મશીન પ્રાપ્ત થતા મહાનગરપાલિકા પાસે કુલ બે મશીનો ઉપલબ્ધ બનશે અને તેના સહારે કામગીરીને વેગ મળશે.

(4:00 pm IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST