Gujarati News

રાજકોટઃ કિટીપરામાં દૂધના ધંધાર્થી આસીફ જૂણેજાની હત્‍યાના બનાવમાં પોલીસે આ વિસ્‍તારના વિક્કી દેવીપૂજકને ઝડપી લઇ રિમાન્‍ડ મેળવવા તજવીજ આદરી છે. દરમિયાન આજે બપોરે હત્‍યાનો ભોગ બનેલા યુવાનના પરિવારના મહિલા સભ્‍યો, સ્‍વજનો, મુસ્‍લિમ સમાજના લોકો મળી ૧૦૦થી વધુ  મહિલાઓ પ્ર.નગર પોલીસ સ્‍ટેશને પહોંચ્‍યા હતાં અને આરોપી વિરૂધ્‍ધ દાખલારૂપ કડક કાર્યવાહી કરવાની માંગણી કરી રજૂઆત કરી હતી. ડીસીબીના પીએસઆઇ કે. ડી. પટેલ અને સ્‍ટાફે રજૂઆતને સાંભળી હતી અને પીઆઇ કે. એ. વાળા તથા તેમની ટીમ કડક કામગીરી જ કરી રહી છે તેની ખાત્રી આપી હતી. દેવીપૂજક સમાજના લોકોએ પણ આ રજૂઆતમાં સાથ પુરાવ્‍યો હતો અને આરોપી સામે કડક કાર્યવાહીની માંગણી કરી હતી. તેમજ વિસ્‍તારમાં લઇ જઇ આરોપીની પુછતાછ કરવાની માંગણી કરવામાં આવી હતી. (ફોટોઃ સંદિપ બગથરીયા)