Gujarati News

  વર્ક લોડના કારણે ગરબા માટે સમયસર ન પહોંચી શકનારાઓનું દુઃખ સમજી શકાય તેવું છે. આપણામાંથી મોટાભાગના લોકો રૂટિન આસાનીથી મેનેજ કરી શકે છે અને રોજ રાત્રે ગરબા માટે જઈ શકે છે. પરંતુ કેટલાંક ધંધાદારીઓ, કૉલેજ સ્‍ટુડન્‍ટ્‍સ કે ગળહિણીઓ એવી પણ છે જેને નવરાત્રિના દિવસોમાં સ્‍ટ્રેસ વધી જાય છે. કૉલેજ કે ઑફિસનું કામ પતાવવું અને પછી ગરબા કરવા જવામાં વ્‍યક્‍તિ થાકીને લોથ થઈ જાય છે. મોટા ભાગના લોકો માટે સૌથી અઘરૂ કામ સવારે વહેલા ઊઠવાનું છે. આને કારણે કાં તો ઊંઘ પૂરી નથી થતી અથવા તો ઑફિસમાં ઝોકા આવે છે. જો તમે પણ આ પરિસ્‍થિતિનો શિકાર બનતા હોવ તો આટલી ટિપ્‍સ ફૉલો કરો.

* ટાઈમ મેનેજ કરો

 તમારે ઘણી બધી ચીજો કરવાની હોય અને સમય ખૂબ જ ઓછો હોય ત્‍યારે પહેલા તો તમારા કામની પ્રાયોરિટી નક્કી કરી લો.  તમે પ્રાયોરિટી નક્કી કરો એટલે તમારૂ ફોકસ સૌથી અગત્‍યના કામ પર પહેલા પડે છે. નાના મોટા કામ તમે પછી પણ કરી શકો છો. તમને ખબર હોય કે તમારો કૉલેજનો પ્રોજેક્‍ટ પતી ગયો છે તો તમારે પછી તેની ચિંતા કરવાની જરૂર રહેતી નથી. આથી તમને વધારે બેલેન્‍સ્‍ડ અને રિલેક્‍સ્‍ડ ફીલ થાય છે. જ્‍યારે તમે રિલેક્‍સ થઈને ગરબા કરવા જાવ ત્‍યારે તમે વધારે એન્‍જોય કરી શકો છો. તમે કામ પતાવવાના બદલે તેને પાછા ઠેલતા જશો તો તમને મજા નહિ આવે. કામનું લાંબુ થતુ જતુ લિસ્‍ટ તમારી ઊંઘ ઊડાવી દેશે. આથી તમારા કામને વ્‍યવસ્‍થિત ઓર્ગેનાઈઝ કરો.

* ફોનમાં સમય ઓછો વેડફો

નવ દિવસ સોશિયલ મીડિયા વગેરે પાછળ સમય ફાળવવાનું ઓછુ કરી દો. આપણે ઘણી વાર ફોટા ક્‍લિક કરવામાં, પોસ્‍ટ કરવામાં અને કોણે તેના પર શું કોમેન્‍ટ કરી તે જાણવામાં એટલા મગ્ન થઈ જઈએ છીએ કે ખરેખર એન્‍જોય જ નથી કરી શકતા. આના કરતા તમારો ફોન સ્‍વિચ ઑફ કરીને એ ક્ષણને માણી લો. આને કારણે તમને તમારી જાત માટે ઘણો સમય મળી રહેશે. ફોન અને બીજા ડિવાઈસિસ તમારો ફ્રી ટાઈમ ખાઈ જાય છે જેને કારણે તમારા કેટલાંક કામ બાકી જ રહી જાય છે અને સ્‍ટ્રેસ લેવલ વધી જાય છે. આથી નવ દિવસ સોશિયલ મીડિયાને બાયબાય કરી દો.

* હેલ્‍થને ન અવગણો

જો તમે તમારા શરીરની જરૂરિયાત પૂરી નહિ કરો તો શરીર થાકી જશે અને તમારી હેલ્‍થ લથડી જશે. નવરાત્રિ દરમિયાન બ્‍લડ શુગર લેવલ ઓછુ થઈ જવુ, સ્‍ટેમિના ઘટી જવો વગેરે સમસ્‍યાઓ થઈ શકે છે જેને કારણે તમે ઑફિસમાં સારૂ કામ નથી આપી શકતા. 

ઑફિસનું કામ કરતીસ્ત્રીઓએ ઘરનું પણ બધુ કામ મેનેજ કરવું પડે છે જેને કારણે તે ગરબા એન્‍જોય નથી કરી શકતી. આથી તમારા શરીરની મર્યાદાઓ સમજવી અને તે મુજબ જ કામ કરવુ જરૂરી છે. બીજું એ કે તમારા આઉટફિટ્‍સ અગાઉથી નક્કી કરી રાખો જેથી છેલ્લી ઘડીએ કોઈ ઉતાવળ ન થાય.

* શારીરિક અને માનસિક થાક

માટે યોગ કરો

 નવરાત્રિના નવ દિવસ બાદ તમે શારીરિક અને માનસિક રીતે થાકી જાવ તેવું શકય છે. આથી સવારે કમસેકમ ૧૦થી ૧૫ મિનિટ યોગ અને ધ્‍યાન માટે ફાળવો જેથી તમારો આખો દિવસ સરસ જાય. ગરબા આસાનીથી કરવા થોડી સ્‍ટ્રેચિંગ એક્‍સરસાઈઝ કરો. ઉપવાસના નામે હાઈ કેલેરી ચીજો ખાવાની ટાળો. એના કરતા વિટામિન એ, બી અને સી વધારે હોય તથા ફાઈબર વધારે હોય તેવું ભોજન આરોગો. સફરજન, કેળા, ગાજર, પપૈયા, દાડમ, કોળુ, શક્કરિયુ વગેરે ખૂબ જ ફાયદાકારક પુરવાર થાય છે. આ ખોરાક તમને ઈન્‍સ્‍ટન્‍ટ એનર્જી આપશે. જો તમને પેટ ફૂલી જવાની કે એસિડીટીની સમસ્‍યા હોય તો ખાતરી કરો કે તમે બે કલાકે થોડુ થોડુ કંઈ ખાઈ શકો. આ ગાળામાં સૂકામેવા અને દૂધ ખૂબ જ જરૂરી છે.

* પુરતુ લિક્‍વિડ પીવો

 નવરાત્રિના દિવસોમાં શરીર ડિહાઈડ્રેટ ન થઈ જાય તેનું ખાસ ધ્‍યાન રાખવું પડે છે. મખીજા જણાવે છે,  આ દિવસોમાં નારિયેળ પાણી, છાશ, શાકભાજીના જ્‍યુસ,  ફ્રુટ જ્‍યુસ વગેરે પીઓ. આ કારણે તમારા શરીરમાં ભરપૂર ઉર્જા રહેશે.  સારા સ્‍વાસ્‍થ્‍ય માટે પૂરતી ઊંઘ લેવી જરૂરી છે એ તો બધા જાણે છે પણ નવરાત્રિના દિવસો દરમિયાન પૂરતી ઊંઘ મેળવવી મુશ્‍કેલ બની જાય છે. 

ઓછુ ઊંઘવા મળે તો પણ તમારી ઊંઘની ક્‍વોલિટી સુધારવાની કોશિશ કરો જેથી તમારુ સ્‍ટ્રેસ લેવલ ઘટી જશે.