Gujarati News

Gujarati News

News of Saturday, 23rd January 2021

ફોનમાં મોટેથી વાત કરવાની ના પાડી દુષ્યંતને પાડોશી મયુરસિંહ પરમારે છરી ઝીંકી દીધી

મવડીની અલ્કા સોસાયટીમાં બનાવ : મયુરસિંહ સામે ગુનો

રાજકોટ,તા.૨૩ : મવડીના અલ્કા સોસાયટીમાં ભાડે રહેતો અને સ્પર્ધાત્મક પરીક્ષાની તૈયારી કરતા યુવાનને ફોનમાં મોટેથી વાત કરવાની ના પાડી બાજુના રૂમમાં રહેતા શખ્સે છરીનો ઘા ઝીંકી દેતા ફરિયાદ થઇ છે. મળતી માહિતી વિગત મુજબ ધોરાજીનો વતની હાલમાં રાજકોટ મવડી અલ્કા સોસાયટીમાં ભાડે રહેતો દુષ્યંત રાજેશભાઇ રાદડીયા (ઉવ.૩૧) સ્પર્ધાત્મક પરીક્ષાની તૈયારી કરે છે. ગઇ કાલે પોતે  પોતાના રૂમાં હતો અને પોતાના પરિવારજનો સાથે મોબાઇલફોનમાં વાત કરતો હતો ત્યારે પોતાના પાછળ રૂમમાં રહેતા મયુરસિંહ અમરસિંહ પરમાર આવેલ અને 'ફોનમાં ધીમે-ધીમે વાત કરે' તેમ કહેતા પોતે કંઇ વાંધો નહી તેમ કહેતા મયુરસિંહે ઉશ્કેરાઇ જઇ ગાળો આપવા લાગતા  પોતે ગાળો આપવાની ના પાડતા પોતાને ઢીકાપાટુનો માર મારવા લાગ્યો હતો. જેથી પોતે તેને કહેલ કે 'મારો શું વાંક છે. તે મને મારો છો' તેમ કહેતા મયુરસિંહે કહેલ કે 'તુ મને ઓળખતો નથી' તેમ કહી તેણે નેફામાંથી છરી કાઢી દુષ્યંતના પેટના ડાબી બાજુ ઝીંકી દીધી હતી. દુષ્યંતને દુઃખાવો થવા લાગતા તેણે છરી પકડી રાખી રાડારાડ કરતા આસપાસના લોકો એકઠા થઇ જતા મયુરસિંહ ભાગી ગયો હતો. બાદ દુષ્યંતને ૧૦૮ મારફતે સારવાર માટે પેટમાં છરી ઘુસેલી હાલતમાં સિવિલ હોસ્પિટલમાં ખસેડાયો હતો. આ બનાવની જાણ માલવીયા નગર પોલીસ મથકના એ.એસ.આઇ. ગીતાબેન પંડ્યાએ દુષ્યંત રાદડીયાની ફરીયાદ પરથી મયુરસિંહ અમરસિંહ પરમાર (રહે અલ્કા સોસાયટી)ની શોધખોળ હાથ ધરી છે.

(3:26 pm IST)
  • હવે ઇંગ્લેન્ડમાં આશરો માગશે ભાગેડુ વિજય માલ્યા : ભારતમાંથી નાસી છુટેલ ઉદ્યોગપતિ, કિંગફિશરના વિજય માલ્યા ટૂંક સમયમાં ઇંગ્લેન્ડમાં શરણું માગવા અરજી કરશે તેવું જાણવા મળે છે access_time 12:54 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST