Gujarati News

Gujarati News

News of Tuesday, 23rd February 2021

હત્યાની કોશિષના ગુનામાં પકડાયેલ આરોપીની જામીન અરજી મંજુર

રાજકોટ, તા.૨૩: જીવલેણ હુમલામાં સંડોવાયેલ આરોપીને જામીન ઉપર મુકત કરતી સેશન્સ કોર્ટે હુકમ કર્યો હતો.

રાજકોટ શહેરના 'એ' ડીવીઝન પોલીસ સ્ટેશનના ગુનાથી ઇન્ડીયન પીનલ કોડની કલમ ૩૦૭, ૫૦૬(ર), ૫૦૪, ૧૪૩પ ૧૪૭, ૧૪૮, ૧૪૯ તથા જી.પી.એકટની કલમ ૩૭ (૧) ૧૩૫ મુજબની ફરીયાદ ફરીયાદીએ આ કામના આરોપી સલીમભાઇ કરીમભાઇ કાથરોટીયા સામે ફરીયાદ નોંધાવેલી.

આ ગુનામાં તપાસનીશ અધીકારીએ આ કામના આરોપીની ધરપકડ કરી, આરોપીને કોર્ટમાં રજુ કરેલા, જેલ હવાલે રહેલા આરોપીએ પોતાને જામીન ઉપર મુકત કરવા માટે તેમના વકીલ મારફત જોઇન્ટ ડીસ્ટ્રીકટ જજની કોર્ટમાં અરજી ગુજારતા, કેસની હકીકત, રજુઆત, અને બચાવપક્ષના વકીલોની રજુઆતોને દલીલોને ધ્યાને લઇ રાજકોટના એડીશ્નલ સેશન્સ જજ- શ્રી અતુલકુમાર વી.હિરપરાએ આરોપીને રૂ.૧૫,૦૦૦/ના શરતી જામીન ઉપર છોડવાનો હુકમ કરેલ છે.

આ કામમાં અરજદાર/ આરોપીના બચાવપક્ષે રાજકોટના યુવાન ધારાશાસ્ત્રી શ્રી ચીમનભાઇ ડી.સાંકળીયા, અતુલભાઇ એન.બોરીચા, મનીષાબેન પોપટ, અહેશાનભાઇ એ.કલાડીયા, વિજયભાઇ સોંદરવા, વિજયભાઇ ડી.બાવળીયા, પ્રકાશભાઇ એ.કેશુર, સી.એચ.પાટડીયા, જયેશભાઇ જે.યાદવ, એન.સી.ઠક્કર, જી.એમ.વોરા વગેરે રોકાયેલા હતા.

(2:39 pm IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • ૨૫મીએ સુરતમાં કેજરીવાલનો રોડ શો : આપને ૨૭ બેઠકો મળતા વિપક્ષમાં બેસશે : 'આપ'ની જીત બાદ કેજરીવાલનું ટ્વીટ : ગુજરાતમાં નવી રાજનીતિ શરૃ access_time 6:44 pm IST

  • અમિતભાઈ શાહ અત્‍યારે ૩:૩૦ વાગ્‍યાની આસપાસ અમદાવાદ આવી પહોંચ્‍યા છે : સાંજે ૭ વાગ્‍યે ખાનપુર કાર્યાલય ખાતે ભાજપના વિજયોત્‍સવમાં તેઓ જોડાશે તેમ મનાય છે : આ વિજયોત્‍સવમાં વિજયભાઇ રૂપાણી તથા સી.આર.પાટીલ પણ ભાગ લેશે access_time 4:13 pm IST