Gujarati News

Gujarati News

News of Monday, 23rd November 2020

ઘંટેશ્વર ૨૫ વારીયામાં કુટુંબીઓ વચ્ચે પૈસા મામલે બધબધાટીઃ ચારને ઇજા

બાદલભાઇ ડબગર અને તેના ભાઇએ માતાના અવસાન વખતે ત્રણ વર્ષ પહેલા કાકા સુરેશભાઇ પાસેથી વ્યાજે પૈસા લીધા હતાં

રાજકોટ તા. ૨૩: જામનગર રોડ પર ઘંટેશ્વર ૨૫ વારીયામાં રહેતાં એક જ પરિવારના લોકો વચ્ચે પૈસા મામલે મારામારી થતાં અને એક બીજા પર ધોકા-પાઇપથી હુમલો કરતાં ચારને ઇજા થઇ હતી.

૨૫ વારીયામાં રહેતાં બાદલભાઇ પ્રકાશભાઇ ડબગર (ઉ.વ.૩૯) તથા તેની પુત્રી કરીના (ઉ.વ.૧૬) સિવિલમાં દાખલ થયા હતાં. બાદલભાઇના કહેવા મુજબ પોતે નકશા વેંચી, રિક્ષા હંકારી ગુજરાન ચલાવે છે. ત્રણેક વર્ષ પહેલા માતાનું અવસાન થયું ત્યારે બાજુમાં જ રહેતાં કાકા સુરેશભાઇ પાસેથી તેણે અને તેના ભાઇ કિશોરભાઇએ ૨૫-૨૫ હજાર રૂપિયા લીધા હતાં. તેનું બંને ભાઇઓ વ્યાજ ભરતાં હતાં. હાલમાં ધંધો બરાબર ચાલતો ન હોઇ વ્યાજ ન આપી શકતાં કાકા સુરેશભાઇ અને તેના પુત્ર કલ્પેશ સહિતે પાઇપથી હુમલો કરી તેમજ ઇંટોના ઘા કરતાં પોતાને અને દિકરીને ઇજા થઇ હતી.

સામા પક્ષે સુરેશભાઇ સુલતાનરામ ડબગર (ઉ.વ.૪૮) તથા પુત્ર કલ્પેશ (ઉ.વ.૨૦) પણ પોતાના પર ભત્રીજા બાદલભાઇ તેમજ કિશોરભાઇ, કરણ સહિતે પાઇપથી હુમલો કર્યાની રાવ સાથે સિવિલમાં સારવાર લીધી હતી. સુરેશભાઇના કહેવા મુજબ ભત્રીજા પાસે લેણા નીકળતાં નાણાની ઉઘરાણી કરતાં હુમલો કરાયો હતો. હોસ્પિટલ ચોકીના સ્ટાફે ગાંધીગ્રામ પોલીસને જાણ કરી હતી.

(12:52 pm IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • આવતીકાલે વડાપ્રધાન નરેન્દ્રભાઈ મોદી દેશના રાજયોના મુખ્યમંત્રીઓ સાથે કોવિડ મહામારી ઉપર વિડીયો કોન્ફરન્સીંગથી ચર્ચા કરશે access_time 4:04 pm IST

  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST