Gujarati News

Gujarati News

News of Monday, 23rd November 2020

હિરાસર એરપોર્ટ હવે દર મહિને બે વખત સ્થળ ઉપર જ મીટીંગ મળશેઃ વીજ લાઇન-પાણીની લાઇન કામગીરી શરૂ

કલેકટરની અધ્યક્ષતામાં મીટીંગ મળીઃ ઓપ્ટીકલ ફાયબર લાઇન પહેલા નીકળશે : ઓપ્ટીકલ ફાયબર સંદર્ભે ૧૧ ગામને અસર થવાથી શકયતાઃ કામગીરી ઝડપી પૂર્ણ કરવા આદેશો

રાજકોટ તા. ર૩ :.. હિરાસર એરપોર્ટ રાજકોટથી ર૦ કિ. મી. દૂર બની રહ્યુ છે., આજે કલેકટરના અધ્યક્ષપદે સંબંધીત અધિકારીઓની મહત્વની રિવ્યુ મીટીંગ મળી હતી, જેમાં વીજ લાઇન ખસેડવાની કામગીરી, વોટર પાઇપ લાઇન કાઢવાની કામગીરી શરૂ થઇ ગયાનો નિર્દેશ અપાયો હતો, તો ઓપ્ટીકલ ફાયબર લાઇન નાખવાની કામગીરી પણ ઝડપી પુર્ણ કરવા કલેકટરે આદેશો કર્યા હતાં.

અધિકારી સુત્રોએ ઉમેર્યુ હતું કે આ ઓપ્ટીકલ ફાયબર લાઇન રાજકોટ-સુરેન્દ્રનગરના ૧૧ ગામોને જોડતી લાઇન હાલની લાઇનની પેરેલેલ નખાશે, બાદમાં જૂની લાઇન કાઢી નખાશે, જો કે આ કામગીરીને કારણે ઉપરોકત ૧૧ ગામોના નેટ કનેકટીવીટીને અસર થાય તેવી શકયતા છે, પરંતુ બાદમાં વાંધો નહિ આવે.

આજની મીટીંગમાં મહત્વનો એવો નિર્ણય લેવાયો હતો કે હવે દર મહિને બે વખત એરપોર્ટ કામગીરી અંગે રિવ્યુ મીટીંગ સીટી પ્રાંત-ર શ્રી ચરણસિંહ ગોહીલના અધ્યક્ષ સ્થાને એરપોર્ટ જયા બની રહ્યુ છે તે સ્થળ ઉપર જ મળશે, જેથી થઇ રહેલ કામગીરીનું નિરીક્ષણ કરી કલેકટરને રીપોર્ટ કરી શકાય.

દરમિયાન પ્રાંત અધિકારી શ્રી ચરણસિંહ ગોહીલે 'અકિલા'ને જણાવ્યું હતું કે કમ્પાઉન્ડ વોલ લગભગ પુરી થવા આવી છે, અને રન-વે પણ પ૦ ટકા ઉપર બની ગયો છે.

(3:31 pm IST)
  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST