Gujarati News

Gujarati News

News of Monday, 23rd November 2020

ચોખા કૌભાંડની પુરવઠાની તપાસમાં ર લાખના જથ્થા અંગે તાળો મળતો નથીઃ તમામ માલ કાળાબજારમાં ધકેલાયો?!

કાર્ડ હોલ્ડરોના નિવેદનો બાદ બાબત ઉજાગર થશેઃ નવાજૂનીના પણ સંકેત

રાજકોટ તા. ર૩ :.. રાજકોટ પોલીસે સસ્તા અનાજની દુકાનમાંથી બારોબાર ૪૭ બાચકા ચોખા વેચી નાખવાનું કૌભાંડ ઝડપી લીધા બાદ આજ સવારથી પુરવઠાની ટીમો પણ દોડી ગઇ છે.

પુરવઠા તંત્રે બપોરે ર સુધીમાં પ૦ હજારનો ઘઉં હજારનો ઘઉં-ચોખા-ખાંડ તેલ - કેરોસીનનો જથ્થો સીઝ કર્યો, પરંતુ ટોચના વર્તુળોના ઉમેર્યા પ્રમાણે દુકાનદારના ચોપડા તપાસતા અંદાજે ર લાખના જથ્થા અંગે કોઇ તાળો મળતો નથી, પરીણામે આ તમામ માલ કાળાબજારમાં ધકેલાઇ ગયાની શંકાએ પુરવઠાએ એ બાબતે તપાસનો ધમધમાટ  શરૂ કર્યો છે, ડીએસઓ શ્રી પુજા બાવડા અને તેમની ટીમ એક પછી એક અંકોડા મેળવી રહી છે, કાર્ડ હોલ્ડરોના નિવેદનો લેવાના આદેશો અપાયા છે, સાધનો ત્યાં સુધી કહી રહ્યા છે, આ કૌભાંડ ઘણુ મોટુ છે, આમાં અનેકને છાંટા ઉડી શકે છે, મોટી નવાજૂની બહાર આવવાની શકયતા છે, કલેકટર અને ડીએસઓએ કૌભાંડના મુળ સુધી જવા પોતાના અધિકારીઓને સુચના આપી છે, અને જે કોઇની સંડોવણી બહાર આવે તે કોઇને નહી છોડવા અને તાકીદે રીપોર્ટ કરવા પણ આદેશો કર્યા છે.

(3:34 pm IST)
  • દિલ્હીમાં 6746 ને કોરોના લાગ્યો: 121 ના મોત: દિલ્હીમાં છેલ્લા 24 કલાકમાં 6,746 લોકોને કોરોના વાયરસનો ચેપ લાગ્યો છે અને 121 કોરોના દર્દીઓનાં મોત નીપજ્યાં છે. access_time 11:37 pm IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST

  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST