Gujarati News

રાજકોટ તા. ર૪: કોરોના કાળમાં હજારો ગરીબ પરીવારોની હાલત ભારે કફોડી બની ગઇ છે, આ સામે કેન્દ્ર સરકારે છેલ્લા ૧ાા વર્ષથી વડા પ્રધાન અન્ન સહાય યોજના હેઠળ વિના મૂલ્યે દર મહિને ઘઉં-ચોખા ગરીબ કાર્ડ હોલ્ડર પરીવારોને આપવાની જાહેરાત કરી છે, અને  NFSA યોજનામાં આવતા હોય તેમને આ અનાજ અપાઇ રહ્યું છે.

પરંતુ વોર્ડ નં. ૧પના થોરાળા, વિજયનગર સહિતના વિસ્તારોના પ૦ થી ૬૦ જેટલા ગરીબ કાર્ડ હોલ્ડર પરીવારોને છેલ્લા ૩ મહિનાથી વડાપ્રધાન અન્ન સહાય યોજનાનું મફત અનાજ નહીં મળતું હોગવાની રાવ આજે કલેકટર કચેરી ખાતે દોડી આવેલા કાર્ડ હોલ્ડરોએ કરી હતી. આ લોકોને જણાવેલ કે અને  NFSA યોજનામાં સામેલ થવા ફોર્મ ભરેલા છે છતાં ૩ મહિનાથી પુરવઠા તંત્ર મંજૂરી આપતું નથી, દુકાનદારો ધકકા ખવડાવે છે, કલેકટર તાકિદે પગલા લ્યે તે જરૂરી છે.