Gujarati News

રાજકોટ : શહેરના સોરઠીયાવાડી વિસ્‍તારમાં ગેસની પાઇપલાઇન નાખવા માટે ખોદવામાં આવેલ ખાડા ન બુરાતા અકસ્‍માતનો ભય ઉભો થયો છે. લતાવાસીઓના જણાવ્‍યા મુજબ સોરઠીયાવાડી પ્‍લોટની શેરી નં. ૨માં ગેસ કંપની દ્વારા ખોડેલા ખાડા ભયજનક છે. અહીં નાના બાળકોનો પણ આવરો-જાવરો હોવાથી વાલીઓમાં ચિંતા વધી છે. વોર્ડના કોર્પોરેટર ભારતીબેન બકુલભાઇ મકવાણા સહિતના વિસ્‍તારવાસીઓ દ્વારા તાકિદે આ ખાડા બુરવા માંગ કરવામાં આવી છે.