Gujarati News

રાજકોટઃ  શ્રી ખોડલધામ ટ્રસ્ટ-કાગવડના નેજા હેઠળ કામ કરતી શ્રી ખોડલધામ વિદ્યાર્થી સમિતિ- રાજકોટ અને શ્રી સરદાર પટેલ કલ્ચરલ ફાઉન્ડેશન- રાજકોટ દ્વારા શ્રી સરદાર પટેલ ભવન ખાતે પ્રજાસત્ત્।ાક પર્વની ઉત્સાહભેર ઉજવણી કરવામાં આવી હતી.રાષ્ટ્રધ્વજ ફરકાવીને સલામી આપ્યા બાદ રાષ્ટ્રગીતનું ગાન કરવામાં આવ્યું હતું. ત્યારબાદ શ્રી ખોડલધામ ટ્રસ્ટ-કાગવડના ઉપપ્રમુખશ્રી તુષારભાઈ લુણાગરીયા દ્વારા પ્રાસંગિક સંબોધન કરેલ.શ્રી ખોડલધામ મંદિરમાં બિરાજમાન મા ખોડલને કેસરી, સફેદ અને લીલા ફૂલોમાંથી બનેલો હાર અર્પણ કરવામાં આવ્યો છે. સાથે જ મા ખોડલની મૂર્તિ પાસે થતાં ફૂલોના શણગારમાં ફૂલોથી તિરંગો બનાવવામાં આવ્યો  હતો. ભાવિકોએ શણગાર દર્શનનો લાભ લીધો હતો.