Gujarati News

રાજકોટ તા.૨૭: કુવાડવા તાબેના મેસવડામાં રહેતાં હેમીબેન અરજણભાઇ બાવળીયા (ઉ.વ.૫૫)ને ઘરે રસોડામાં કામ કરી રહ્યા હતાં ત્યારે ડબ્બા પાછળ સંતાઇને બેઠેલુ જનાવર-સાપ કરડી જતાં મોત નિપજ્યું છે. હેમીબેનને સાપે દંશ મારતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ સારવાર કારગત ન નિવડતાં દમ તોડી દીધો હતો. આ બનાવથી કોળી પરિવારમાં ગમગીની છવાઇ ગઇ હતી. હેમીબેનના પતિ અરજણભાઇ ખેતી કરી ગુજરાન ચલાવે છે. સંતાનમાં ત્રણ પુત્રી અને ત્રણ પુત્ર છે. હોસ્પિટલ ચોકીના સ્ટાફે એરપોર્ટ પોલીસને જાણ કરી હતી.