Gujarati News

Gujarati News

News of Saturday, 28th November 2020

પતિ બીજી યુવતી સાથે ભાગી ગયા બાદ પરત ન આવતા કામીનીબેને ફીનાઇલ પી લેતા દાખલ

ગંજીવાડામાં બીમારી સબબ ૮ માસની બાળકીનું મોત

રાજકોટ તા. ર૮: કોઠારીયા રોડ હુડકો કવાર્ટરમાં રહેતી મહિલાએ ફીનાઇલ પી લેતા તેને સારવાર માટે સિવિલ હોસ્પિટલમાં ખસેડાઇ છે.

મળતી વિગત મુજબ હુડકો કવાર્ટર બી-૧૪૪માં રહેતા કામીનીબેન વિજયભાઇ પીપળીયા (ઉ.વ. ૩પ) એ પોતાના ઘરે ફીનાઇલ પી લેતા તેને સારવાર માટે સિવિલ હોસ્પિટલમાં ખસેડાયા હતા. કામીનીબેને પ્રેમલગ્ન કર્યા છે તેને સંતાનમાં એક પુત્ર અને એક પુત્રી છે. પતિ વિજય છ મહિના પહેલા બીજી યુવતીને લઇને ભાગી ગયો હોઇ, પરત ન આવતા તેણે આ પગલું ભર્યું હોવાનું સારવાર હેઠળ રહેલા કામીનીબેને જણાવ્યું હતું. આ અંગે ભકિતનગર પોલીસે તપાસ હાથ ધરી છે.

જયારે બીજા બનાવમાં ગંજીવાડા શેરી નં. ૩૭ માં રહેતી ક્રિષ્ના વિજયભાઇ ચૌહાણ (ઉ.વ. ૮ માસ) ને રાત્રે તાવ આવતા સારવાર માટે સિવિલ હોસ્પિટલમાં ખસેડાઇ હતી ત્યાં તેનું સારવાર દરમ્યાન મોત નિપજયું હતું. આ અંગે થોરાળા પોલીસે તપાસ હાથ ધરી છે.

(2:34 pm IST)
  • જામનગરની જાણીતી હોટલ રોયલ સ્ટેના માલિક નરેન્દ્રસિંહ પરમારનું દુઃખદ નિધન access_time 10:29 pm IST

  • ખેડૂતોની ગર્જના : માંગણી નહિ સંતોષાય તો દિલ્હીનો મેઇન હાઇવે જામ કરી દેશું : કૃષિ ખરડાને લઇને ખેડૂતોનો વિરોધ વધી રહ્યો છે : પંજાબ-હરિયાણા-યુપીના ખેડૂતોએ કહ્યું છે કે જો અમારી વાત નહિ સ્વીકારાય તો અમે દિલ્હીનો મુખ્ય હાઇવે જામ કરી દેશું: કાલે મોટાપાયે વિરોધ પ્રદર્શનની તૈયારી થઇ રહી છે access_time 3:19 pm IST

  • કોંગ્રેસના વચગાળાના ખજાનચી તરીકે પવનકુમાર બંસલની નિમણુંક : અહમદ પટેલના નિધનથી ખાલી પડેલી જગ્યા ઉપર કામચલાઉ નિમણુંક : કોંગ્રેસ પાર્ટીમાં અધ્યક્ષ ઉપરાંત હવે ખજાનચી પણ કામચલાઉ access_time 6:18 pm IST