Gujarati News

Gujarati News

News of Saturday, 28th November 2020

કોવિડ હોસ્પિટલો માટે નવા નિયમો ઘડવા સરકારને ભલામણઃ એ.કે.રાકેશ

આગની ઘટનાનું પુનરાવર્તન રોકવાના ઉપાયો દર્શાવતા અધિક મુખ્ય સચિવ : રાજકોટની ઘટનામાં આખરી તારણ માટે એફ.એસ.એલ. રીપોર્ટની રાહ

રાજકોટ તા. ર૮ : ગુરૂવારની મધરાતે ઉદય શિવાનંદ કોવિડ હોસ્પિટલમાં આગ લાગતા પાંચ દર્દીઓમાં મૃત્યુની કમકમાટીભરી ઘટના અંગે બે દિવસ તપાસ કરી અધિકમુખ્ય સચિવ એ.કે. રાકેશ ગાંધીનગર જવા રવાના થયા છે. ઓકિસજનનું પ્રમાણ વધવાથી આગ લાગ્યાનુ પ્રાથમિક તારણ કાઢી આખરી તારણ માટે ફોરેન્સીક લેબના રીપોર્ટની રાહ જોવાતી હોવાનું તેમણે જણાવ્યું છે.

શ્રી એ.કે. રાકેશએ જણાવેલ કે હોસ્પિટલ માટેના હાલના નિયમો કોરોના કાળ પહેલાના છે. મહામારી પછી પરિસ્થિતિ બદલાઇ ગઇ છે. કોવિડ હોસ્પિટલોમાં સારવાર અને સુવિધા માટેના નવા નિયમો બનાવવાની જરૂર છે. આવા બનાવો નિવારવા માટે  સરકારને સૂચનો સાથે ભલામણ કરાશે સમયની માંગ મુજબ સારવાર માટેના સાધનો પણ અત્યાધુનિક હોય તે જરૂરી છે રાજકોટની ઘટનાનો એફ.એસ.એલ.નો રીપોર્ટ સોમવાર સુધીમાં આવી જશે.

(3:43 pm IST)
  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST

  • દેશમાં કોરોનાથી રિકવર થનારની સંખ્યા 88 લાખને પાર પહોંચી : રાત્રે 11 વાગ્યા સુધીમાં કોરોનાના નવા 41,465 કેસ નોંધાયા:કુલ કેસનો આંકડો 93,92,689 થયો :એક્ટીવ કેસ 4, 52, 960 થયા: વધુ 41,974 દર્દીઓ સ્વસ્થ થતા કુલ 88,00,860 રિકવર થયા :વધુ 482 લોકોના મોત સાથે કુલ મૃત્યુઆંક 1,36,720 થયો access_time 12:04 am IST

  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST