Gujarati News

Gujarati News

News of Tuesday, 29th September 2020

આજીડેમ ચોકડી સર્વિસ રોડ પર ક્રેઇનની ઠોકરે દિપ્તીનગરના યુવાનનો પગ ભાંગ્યો

રસિકભાઇ ગરનાળાને ક્રેઇન ચાલકે બાઇક સહિત ઉલાળી દીધો

રાજકોટ તા. ૨૯: આજીડમે ચોકડી નજીક સર્વિસ રોડ પર ક્રેઇનના ચાલકે બાઇકને ઉલાળી દેતાં અને બાઇકચાલક દિપ્તીનગરના કુંભાર યુવાનના પગમાં ફ્રેકચર થઇ જતાં પોલીસે ગુનો નોંધ્યો છે.

કોઠારીયા રોડ પર દિપ્તીનગરમાં રહેતો રસિકભાઇ જેરામભાઇ ગરનાળા (કડીયા કુંભાર) (ઉ.વ.૪૧) ગઇકાલે પોતાનું બાઇક જીજે૦૩કેજી-૧૬૮૧ હંકારીને હુડકો ચોકડીથી આજીડેમ ચોકડી તરફ જતાં આજીડેમ ચોકડી નજીક સર્વિસ રોડ પર પહોંચતા બાજુમાંથી મોટી ક્રેઇન નીકળી હતી. તેના ચાલકે બાઇકને પાછળથી ઠોકરે લેતાં રસિકભાઇ બાઇક સહિત પડી જતાં અને ક્રેઇનનું વ્હીલ પગમાં લાગી જતાં લોકો ભેગા થઇ ગયા હતાં.

અકસ્માત સર્જી ક્રેઇનની ચાલક ભાગી ગયો હતો. કોઇએ ક્રેઇનના નંબર જીજે૦૩એચઇ-૧૮૧૯ નોંધી લીધા હતાં. રસિકભાઇએ તેના પુત્રને બોલાવતાં તેણે ઘટના સ્થળે પહોંચી પિતાને હોસ્પિટલે ખસેડ્યા હતાં. સિવિલમાં નિદાન થતાં ગોઠણ નીચેના ભાગે ફ્રેકચર હોવાની ખબર પડી હતી. આજીડેમના હેડકોન્સ. એસ. જે. બાલાસરાએ ક્રેઇન ચાલક સામે ગુનો નોંધી તપાસ હાથ ધરી છે.

(3:15 pm IST)
  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST

  • ' જનોઈની કસમ ,આ વખતે બીજેપી ને વોટ નહીં ' : અયોધ્યામાં નિર્માણ પામી રહેલા શ્રી રામ એરપોર્ટ માટે સંપાદન કરાયેલી જમીનનું યોગ્ય વળતર ન મળ્યું : જબરદસ્તી સહીઓ લેવાઈ ગઈ : ખેડૂતોનો ઉગ્ર આક્રોશ : સમાજવાદી પાર્ટીએ ખેડૂતોના હક્ક માટે લડત આપવા તૈયારી બતાવી access_time 7:41 pm IST

  • હવે એલઆઈસી વેચવા કાઢી કેન્દ્ર સરકારે જણાવ્યુ છે કે લાઈફ ઈન્સ્યોરન્સ કોર્પોરેશનમાં ૨૫% હિસ્સો તબક્કાવાર વેચવા અંગે વિચાર કરી રહેલ છે access_time 4:27 pm IST