Gujarati News

રાજકોટઃ શહેરના ૧૫૦ ફુટ રીંગ રોડ પર રૈયા ટેલિફોન એક્ષચેન્જ પાસે ઇગલ ટ્રાવેલ્સ નજીક બપોરે એક બાઇક અચાનક સળગી જતાં લોકોના ટોળા ભેગા થઇ ગયા હતાં. બાઇકના માલિક દિલબહાદુર કે. સોનીના કહેવા મુજબ બાઇકમાં થોડો ફોલ્ટ હોઇ પંચાયત ચોકમાં કન્યા છાત્રાલય પાછળ રિપેર કરાવવા મુકયું હતું. વાયરીંગમાં ફોલ્ટ હોઇ જેથી ગેરેજમાં કારીગરે રિપેરીંગ કર્યુ હતું. રિપેર થઇ ગયા બાદ પોતે બાઇક લેવા ગયેલ અને પૈસા ચુકવવાના હોઇ પુરતા પૈસા ન હોઇ બાઇક લઇ પોતે રૈયા ટેલિફોન એક્ષચેન્જ પાસે એટીએમમાં પૈસા ઉપાડવા ગયા હતાં. પૈસા ઉપાડીને બહાર આવ્યા ત્યાં જ તેમનું હોન્ડા શાઇન બાઇક સળગી ગયું હતું. ફાયર બ્રિગેડને જાણ કરતાં તાકીદે બંબો પહોંચ્યો હતો. પરંતુ એ પહેલા બાઇકમાં ભારે નુકસાન થઇ ગયું હતું. તસ્વીરમાં સળગી રહેલું બાઇક અને આગ બુઝાવી રહેલા ફાયર બ્રિગેડના જવાનો જોઇ શકાય છે.