Gujarati News

Gujarati News

News of Monday, 31st August 2020

ડો.લોકેશ મુનીને ઈકોફ્રેન્ડલી ગણેશજીની મૂર્તિ આપી અભિવાદન કરતા ડો.કથીરિયા

રાજકોટ,તા.૩૧: દિલ્હી ખાતે આચાર્ય ડો.લોકેશ મુનીજી સાથે ભારત સરકારનાં પૂર્વ કેન્દ્રીય મંત્રી અને રાષ્ટ્રીય કામધેનુ આયોગનાં અધ્યક્ષ ડો.વલ્લભભાઈ કથીરીયાએ શુભેચ્છા મુલાકાત કરી હતી. આ તકે ડો.કથીરીયાએ ગાયના ગોબરમાંથી બનાવેલ ઈકો- ફ્રેન્ડલી શ્રી ગણેશજીની પ્રતિમાથી આચાર્ય ડો.લોકેશ મુનીજીનું અભિવાદન કર્યું હતું. આ વર્ષે પર્યાવરણ રક્ષા અર્થે ઈકો ફ્રેન્ડલી ગણેશજીની પ્રતિમાનું ગણેશોત્સવ દરમ્યાન સ્થાપન કરવા મોદીજીનાં આહવાનને સ્વીકારી 'રાષ્ટ્રીય કામધેનુ આયોગે' ગોમય- ગોબરથી બનાવેલી ગણેશજીની પ્રતિમાના સ્થાપન, પૂજન માટે અભિયાનરૂપે જનતા જર્નાદન સમક્ષ અનુરોધ કર્યો હતો.

'ગોમય ગણેશ અભિયાન'ની પ્રચંડ, ગરીમામય સફળતાથી પ્રેરાઈને આગામી દિવસોમાં દેશીકુળના ગાયોના ગોબરમાંથી નિર્મિત ગોમય મૂર્તિઓ (દેવી- દેવતાઓ જેમ કે લક્ષ્મી, શારદા, દુર્ગા, શ્રીકૃષ્ણ, શ્રીરામ, મહાવીર, બુધ્ધ વિગેરે), કિચેન, ટેબલપીસ, કેલેનડર, ઘડીયાર, ફ્રેમ, ચંપલ, લાભ- શુભ, પ્લેટસ, જેવી અનેક વસ્તુઓનું નિર્માણ કરનારાઓને પ્રોત્સાહીત કરી તેમજ માર્ગદર્શન આપી ભારતના યશસ્વી પ્રધાનમંત્રી નરેન્દ્રભાઈ મોદીના ગ્રામ વિકાસ, ખેડૂતોની આવક બમણી કરવાનું અભિયાન, મહિલા- યુવાનોને રોજગાર, આત્મનિર્ભર ભારત, વોકલ ફોર લોકલ, પર્યાવરણ રક્ષાના આહવાનમાં રાષ્ટ્રીય કામધેનુ આયોગ સહભાગી બનશે. આ નિરંતર રાષ્ટ્રવ્યાપી અભિયાન થકી ગૌશાળા- પાંજરાપોળો અને ખેડૂતોને છાણ સહીતની પંચગવ્ય પ્રોડકટસનું પુરતું મુલ્ય પણ મળતુ થશે તેમ ડો.લોકેશ મુનીને ડો.વલ્લભભાઈ કથીરિયાએ જણાવ્યું હતું.

આચાર્ય ડો.લોકેશ મુનીજીએ પર્યાવરણ રક્ષા અને ગૌરક્ષાનાં આ પરમ સત્કાર્ય અંગે પોતાનાં અંતરની પ્રસન્નતા વ્યકત કરી હતી

(2:53 pm IST)
  • " ચેસ ઓલમ્પિયાડ " : ભારતે રચ્યો ઇતિહાસ : પહેલીવાર બન્યું ચેમ્પિયન : ભારત અને રશિયા વચ્ચેની ઓનલાઇન ફાઇનલ સ્પર્ધા દરમિયાન ભારતના ખેલાડીઓ નિહાલ સરિન અને દિવ્યા દેશમુખનું ઇન્ટરનેટ કનેક્શન ખોરવાઈ ગયું : આયોજકોને રજુઆત કરાતા બંને દેશોને સંયુક્ત રીતે ચેમ્પિયન ઘોષિત કરાયા access_time 8:59 pm IST

  • જીઓ ફાયબરની ધમાકેદાર જાહેરાત : જીઓ ફાયબરે તમામ નવા ગ્રાહકો માટે ''નો-કન્ડીશન ૩૦ દિવસ ફ્રી ટ્રાયલ''ની જાહેરાત કરીઃ તમામ હોમ પ્લાનમાં ડાઉનલોડ અને અપલોડ માટેની એક સરખી સ્પીડ રહેશેઃ દર મહિને ૩૯૯ રૂ.ના ભાડા સાથે વિવિધ પ્લાન શરૂ થશેઃ જીઓ ફાયબર તમામ નવા ગ્રાહકોને ૧૫૦ એમબીપીએસ ઇન્ટરનેટ, ફોરકે સેટ ટોપ બોક્ષ (૧૦ ઓટીટી એપ્સના સબ્સક્રિપશન સાથે) નો-કન્ડીશન ફ્રી ટાયલ આપશે access_time 4:09 pm IST

  • સોમનાથ મંદિરમાં દર્શનનો સમય બદલાયો : આવતીકાલથી સોમનાથ મંદિર સવારે 7.30 થી 11.30 સુધી અને ત્યારબાદ બપોરે 12.30 થી સાંજે 6.30 સુધી ઉપરાંત સાંજે 7.30 થી 8 વાગ્યા સુધી જ ખુલ્લું રહેશે તેમ જાણવા મળે છે. access_time 10:29 pm IST