પીપળીયા હોલ પાસે એપાર્ટમેન્ટના પાર્કિંગમાંથી ૪૨ હજારના વિદેશી દારૂ સાથે પ્રતિક પકડાયો

ભકિતનગરના ભાવેશભાઇ અને રણજીતસિંહની બાતમી પરથી દરોડો

રાજકોટ તા. ૧૧: ગોકુલધામ અંકુર વિદ્યાલય રોડ ગોપાલ પાર્ક-૧માં રહેતાં પ્રતિક ઉર્ફ કાળીયો અરવિંદભાઇ પરમાર (ઉ.વ.૨૭)ને પીપળીયા હોલ પાસે શ્રીનાથજી એપાર્ટમેન્ટના પાર્કિંગમાંથી રૂ ૪૨ હજારના ૮૪ બોટલ દારૂ સાથે પકડી લેવાયો છે.

 

પ્રતિક ઉર્ફ કાળીયો દારૂના જથ્થા સાથે પાર્કિંગમાં હોવાની બાતમી કોન્સ. ભાવેશભાઇ મકવાણા અને રણજીતસિંહ જાડેજાને મળતાં દરોડો પાડી તેને જથ્થા સાથે પકડી લેવાયો હતો. ડીસીપી પ્રવિણકુમાર મીણા, એસીપી એચ. એલ. રાઠોડની સુચના અને પીઆઇ જે. ડી. ઝાલાની રાહબરીમાં પીએસઆઇ આર. જે. કામળીયા, એએસઆઇ ભાનુભાઇ મિયાત્રા, ફિરોઝભાઇ શેખ, હેડકોન્સ. રણજીતસિંહ, મનરૂપગીરી, કોન્સ. ભાવેશભાઇ, વાલજીભાઇ, દિવ્યરાજસિંહ, મનિષભાઇ, મૈસુરભાઇ, રાજેશભાઇ અને હિતેન્દ્રસિંહે આ કામગીરી કરી હતી. પ્રતિક ઉર્ફ કાળીયો અગાઉ પણ આવા ગુનામાં પોલીસ ચોપડે ચડી ચુકયો છે. ફોર સેલ ઇન ગોવા ઓન્લીના માર્કાવાળી બોટલો તે કયાંથી લાવ્યો? તે અંગે વિશેષ પુછતાછ થઇ રહી છે.