ગ્રીનલેન્ડ ચોકડી નજીક બગીચાના બાંકેડેથી મહિલાની લાશ મળીઃ લૂ લાગી ગયાની શંકા

મૃતકના કોઇ વાલીવારસ-પરિચિત હોય તો બી-ડિવીઝન પોલીસનો સંપર્ક કરવો

રાજકોટ તા. ૧૨: કુવાડવા રોડ ગ્રીનલેન્ડ ચોકડી નજીક બસ સ્ટોપ સામે બગીચામાં એક બાંકડા પરથી અજાણી આશરે ૪૮ વર્ષની મહિલા બેભાન મળી આવતાં સિવિલ હોસ્પિટલમાં ખસેડાઇ હતી. પરંતુ તેને તબિબે મૃત જાહેર કરતાં હોસ્પિટલ ચોકીના  સ્ટાફે જાણ કરતાં બી-ડિવીઝનના હેડકોન્સ. હિતેષભાઇ જોગડાએ જરૂરી કાર્યવાહી કરી હતી. મૃતક મહિલાએ પીળા રંગનુ ગાઉન પહેર્યુ છે. આ સિવાય ઓળખ થાય તેવી બીજી કોઇ ચીજવસ્તુઓ મળી નથી. લૂ લાગી જવાથી મોત થયાની શકયતા છે. મૃતદેહને સિવિલ હોસ્પિટલના કોલ્ડ રૂમમાં રાખવામાં આવ્યો છે. તસ્વીરમાં દેખાતા મૃતકના કોઇ વાલીવારસ હોય તો બી-ડિવીઝન પોલીસનો ફોન ૦૨૮૧ ૨૭૦૬૦૧૮ ઉપર સંપર્ક કરવા જણાવાયું છે.