News of Tuesday, 24th November 2020
સહકાર રોડ પરથી ચોરાઉ બુલેટ સાથે રવી ડોડીયા ઝડપાયો
રાજકોટ,તા. ૨૪: શહેરના સહકાર મેઇન રોડ પરથી ક્રાઇમ બ્રાંચની ટીમે બાતમીના આધારે ચોરાઉ બુલેટ સાથે એક શખ્સને પકડી લીધો હતો.
મળતી વિગત મુજબ સહકાર મેઇન રોડ પર એક શખ્સ ચોરાઉ બુલેટ લઇને નીકળવાનો હોવાની ક્રાઇમ બ્રાંચના હેડ કોન્સ. વિક્રમભાઇ ગમારા, દેવાભાઇ તથા પ્રતાપસિંહને બાતમી મળતા પીઆઇ વી.કે.ગઢવીના માર્ગદશન હેઠળ, પીએસઆઇ પી.બી. જેબલીયા, હેડ કોન્સ. વિક્રમભાઇ, અંશુમાનભાઇ ગઢવી, ક્રિપાલસિંહ, જીજ્ઞેશભાઇ મારૂ, પ્રતાપસિંહ મોયા તથા દેવાભાઇ ધરજીયા સહિત વોચમાં હતા. ત્યારે સહકાર મેઇન રોડ પરથી ચોરાઉ બુલેટ લઇને નીકળેલા રવિ રાજેશભાઇ ડોડીયા (ઉવ.૨૦) (રહે. સહકાર મેઇન રોડ સહકાર કોમ્પ્લેક્ષ ફલેટ નં. ૩૦૩)ને પકડી લીધો હતો.
(2:35 pm IST)