જીલ્લા-તાલુકા પંચાયતની ચુંટણી અંતર્ગત ત્રંબા-સરધાર હેઠળના ગામોમાં પેરા મિલ્ટ્રી ફોર્સને સાથે રાખી આજીડેમ પોલીસની ફલેગમાર્ચ

રાજકોટઃ રાજકોટ જીલ્લા અને તાલુકા પંચાયતની રવિવારે યોજાયેલી ચૂંટણીમાં શાંતિપુર્વક રીતે મતદાન થાય અને કાયદો વ્યવસ્થા જળવાઇ રહે તે હેતુથી પોલીસ સતર્ક બની છે. પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજાની સુચના અને એસીપી એચ. એલ. રાઠોડના માર્ગદર્શન હેઠળ આજીડેમ પોલીસ મથકના પીઆઇ વી. જે. ચાવડા અને ટીમોએ પોલીસ સ્ટેશન હેઠળ વિસ્તારના ત્રંબા જીલ્લા પંચાયત અને સરધાર જીલ્લા પંચાયત હેઠળના ગામડાઓમાં પેરા મિલ્ટ્રી ફોર્સને સાથે રાખી ફલેગમાર્ચ યોજી હતી.